Sug‘urta sohasining eng yaxshi tashkilot va mutaxassislariga “Oltin soyabon” jamoat mukofotini topshirish marosimi bo‘lib o‘tdi

Poytaxtimizda 26-noyabr kuni bo‘lib o‘tayotgan II Xalqaro moliya-bank forumi doirasida “Sug‘urta va qayta sug‘urtalash bo‘yicha XIII Toshkent xalqaro konferensiyasi” bo‘lib o‘tdi.

An'anaga ko'ra, sug'urta konferensiyasi O'zbekiston sug'urta sohasidagi eng muhim voqea bo'lib, har yili o'tkaziladi. Anjumanda mahalliy va xorijiy sug‘urtachilar sug‘urta bozorini yanada rivojlantirish, xalqaro sug‘urta, shuningdek, sug‘urtaga innovatsion texnologiyalarni joriy etish va uni raqamlashtirish masalalarini muhokama qildi.

O‘zbekiston sug‘urta sohasining eng yaxshi tashkilot va mutaxassislariga topshiriladigan “Oltin soyabon” jamoat mukofoti laureatlarini taqdirlash anjumanning diqqatga sazovor  voqealaridan biri bo‘ldi.

Eslatib oʻtamiz, “Oltin Soyabon” yillik jamoat mukofoti Oʻzbekiston sugʻurta bozorining professional ishtirokchilarining uni jadal rivojlantirishga qaratilgan saʼy-harakatlarini birlashtirishga moʻljallangan. Mukofotning maqsadlari qatoriga mamlakatimizda zamonaviy sug‘urta madaniyatini shakllantirish uchun shart-sharoitlar yaratish, sug‘urta sohasi va sug‘urta sohasidagi eng yaxshi yutuqlarni qo‘llab-quvvatlayotgan ommaviy axborot vositalarini keng jalb etish ham kiradi.

“Oltin Soyabon” jamoat mukofoti mamlakatimizning butun sug‘urta sohasini qamrab oluvchi bir necha nominatsiyalar bo‘yicha taqdim etiladi. Mukofot laureatlari sug‘urta sohasining yetakchi ekspertlari tomonidan ishlab chiqilgan mezonlar asosidagi tanlovi natijalariga ko‘ra ekspert hakamlar hay’ati tomonidan aniqlanadi.

Bu yil “Oltin soyabon” jamoatchilik mukofoti g‘oliblari:

1. “APEX INSURANCE” MCHJ “Yilning eng yaxshi sug‘urta kompaniyasi” bo‘ldi;

2. “UZLIFE” sug‘urta kompaniyasi bosh direktori Bobur Abirqulov “Yilning eng yaxshi sug‘urta mutaxassisi” bo‘ldi;

3. “Kafolat Hayot” SK MChJ bosh direktori Farhod Karimov “Sug‘urta bozori professional ishtirokchisining eng yaxshi boshqaruvchisi” bo‘ldi;

4. “Sug‘urta kompaniyasining hududiy bo‘limining eng yaxshi rahbari” deb “PSB Insurance” MChJ Xorazm viloyati filiali direktori Oybek Rahimov e’tirof etildi;

5. “O‘zbekistonda sug‘urta biznesini rivojlantirishga qo‘shgan hissasi uchun” nominatsiyasi “Uzinsurance” aksiyadorlik jamiyati boshqaruvi raisi Sarvar Otamuratovga topshirildi.

Eslatib oʻtamiz, “Oltin Soyabon” jamoat mukofoti SAIPRO GROUP kompaniyasi tomonidan taʼsis etilgan bo‘lib, bu yil 11-bor taqdim qilinmoqda.

Forum tashkilotchilari – O‘zbekiston Respublikasi Tashqi iqtisodiy aloqalar milliy banki, MDH Moliya-bank kengashi, “SAIPRO GROUP” MChJ. O‘zbekiston Respublikasi Iqtisodiy rivojlanish va kambag‘allikni qisqartirish vazirligi, O‘zbekiston Respublikasi Moliya vazirligi va O‘zbekiston Respublikasi Markaziy banki ko‘magida.