29-noyabr kuni O‘zbekistonda sodir bo‘lgan muhim voqealar dayjesti

Ravshanbek Alimov O‘zbekistonning Turkmanistondagi elchisi etib tayinlandi

U 2020-2024-yillarda Oliy Majlis Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo'mitasi raisi vazifasida ishlagan.

Misr kompaniyasi O'zbekistonda shakar ishlab chiqarish korxonasini quradi

Misr kompaniyasi tomonidan Jizzax viloyatida qand lavlagi yetishtirish va shakar ishlab chiqarish loyihasini amalga oshirish bilan bog'liq masalalar muhokama qilindi.

Xarid qilish tartib-taomillarining yangi turlari joriy etiladi

Prezident tomonidan imzolangan qonun bilan "Davlat xaridlari to'g'risida"gi qonunga davlat xaridlari tizimini yanada takomillashtirishga qaratilgan qo'shimcha va o'zgartirishlar kiritildi.

Bahodir Jalolov: Maqsadim - 2025-yilda superog‘ir vaznda jahon chempioni bo‘lish!

Mag‘lubiyat va murosa nimaligini bilmay kelayotgan professional bokschimiz Bahodir Jalolov (14-0, 14 KO) fransiyalik Devid Spilmont (16-8-1, 11 KO) bilan jangi oldidan ilk bor fikr bildirdi.

Toshkentda tanishini pichoqlab o‘ldirgan erkak 15 yilga qamaldi

Jinoyat ishlari bo‘yicha Bektemir tuman sudida mazkur holat bo‘yicha jinoyat ishi ko‘rib chiqildi.

“Tashabbusli byudjet” jarayonlarida tadbirkorlik subyektlari g‘olib bo‘lgani keskin tanqid qilindi

Xususan, Navoiy viloyati Zarafshon shahridagi aeroport bino va inshootlarini taʼmirlash loyihasi hamda Andijon viloyati Shahrixon tumani Beruniy istirohat bog‘iga 42 metr balandlikdagi Charxpalak o‘yingohi qurish loyihasi tadbirkorlik xususiyatiga ega bo‘lishiga qaramay, ovoz berish bosqichiga o‘tkazilgan. Ushbu loyihalar eng ko‘p ovoz olgan holda g‘olib deb topilgani keskin tanqid qilindi.

O‘zbekiston va Italiya transmilliy jinoyatlarga qarshi kurashishda hamkorlik qiladi

Uchrashuvda terrorizm, giyohvand moddalarning noqonuniy savdosi hamda boshqa turdagi transmilliy jinoyatlarga qarshi kurashish hamda jamoat xavfsizligi boʻyicha hamkorlikni rivojlantirish, huquq-tartibot hamda raqamli texnologiyalarni sohaga tatbiq etishda idoralararo muvofiqlashtirish mexanizmini yaratish hamda oʻzaro tajriba almashish, shuningdek koʻp qirrali hamkorlikni kengaytirish borasidagi masalalarni muhokama qildi.

O‘zbekistonlik ayollar asosan necha yoshda farzandli bo‘lmoqda?

Statistika agentligi maʼlumotlariga ko‘ra, 2024-yilning yanvar-oktyabr oylarida O'zbekistonda jami 783 089 nafar tug‘ilishlar qayd etilgan.

Toshkent viloyatida o‘qituvchi 9-sinf o‘quvchisini haqorat qilib, do‘pposladi

Holat yuzasidan Bolalar ombudsmani maʼlumot berdi.

Bir kishiga nechta karta? Markaziy bank axborot berdi

Markaziy bank ijtimoiy tarmoqlarda bitta jismoniy shaxsga bitta bank kartasi berilishi bo‘yicha meʼyorlar o‘rnatilayotganligi to‘g‘risida axborot haqiqatga to‘g‘ri kelmasligini hamda bu borada noto‘g‘ri maʼlumotlar tarqatilayotganligini maʼlum qildi.

Toshkentda 3 yoshli bolani shafqatsizlarcha pichoqlab o‘ldirgan shaxs 24 yilga qamaldi

Bugun jinoyat ishlari bo‘yicha Mirzo Ulug‘bek tuman sudida ushbu fuqaroga oid jinoyat ishini birinchi instansiyasida ko‘rib chiqish bo‘yicha ochiq sud jarayoni yakunlanib, sud hukmi eʼlon qilindi.

Eski ToshMI va sobiq "Toshselmash" bozori yonidagi chorrahalar rekonstruksiya qilinadi

Toshkentda ikkita yo‘l o‘tkazgich va murakkab chorraha joylashgan eski Toshkent tibbiyot instituti oldida harakatni qayta tashkil etish loyihasi boshlandi. Loyiha sobiq "Toshselmash" bozori yonidagi chorrahani ham o‘z ichiga oladi.

Urganch aeroportini boshqaruvga o‘tkazish bo‘yicha tenderning birinchi bosqichi yakunlandi

Urganch xalqaro aeroportini modernizatsiya qilish va boshqarish bo‘yicha tenderning keyingi bosqichiga beshta ishtirokchi tasdiqlandi. Jami sakkizta kompaniya DXSh asosida amalga oshirilayotgan loyihaga qiziqish bildirgan.

10 oyda O‘zbekiston tashqi savdo aylanmasining 34,9% MDH mamlakatlari hissasiga to‘g‘ri keldi

O‘zbekistonning MDH mamlakatlari bilan tashqi savdo aylanmasi joriy yilning yanvar-oktyabr oylari yakunlari bo‘yicha 13,1%ga o‘sib, $19 mlrd tashkil etdi.

Toshkent xalqaro aeroportida ayol Turkiyaga 20 yoshli qizni fohishalik uchun jo‘natayotgan vaqtda ushlandi

Hozirda ushlangan shaxsga nisbatan jinoyat ishi qo‘zg‘atilgan. Tergov harakatlari olib borilmoqda.

O‘zbekistonda “Temiryo‘l transporti to‘g‘risida”gi qonun imzolandi

Yangi tahrirdagi qonun 2025-yildan kuchga kiradi.