Марказий йўналишларда ҳаракатланувчи автобусларга жами 200 та тўлов қабул қилиш валидаторлари ўрнатилди
Марказий йўналишларда ҳаракатланувчи автобусларга жами 200 та тўлов қабул қилиш валидаторлари ўрнатилди
Хабарингиз бор, жорий йил бошидан жамоат транспортларида электрон тўлов тизими амал қила бошлаган эди. Дастлабки босқичда автобус ҳамда метрополитенда тўлов сифатида қабул қилинувчи жетонлар ўрнига муомалага чиққан электрон карталар бугун кенг жамоатчилик ўртасида оммалашиб улгурмоқда. Бундай карталардан тўловлар чиптачиларга бириктирилган валидаторлар орқали қабул қилинаётган эди.
Ушбу тўлов тизимининг кейинги босқичида ойлик йўл чипталарини электронлаштириш ҳамда автобусларга стационар валидаторлар ўрнатиш режалаштирилган. Шундан келиб чиқиб куни кеча 200 та ана шу турдаги тўлов қабул қилиш валидаторлари асосан марказий йўналишларда ҳаракатланувчи автобусларга ўрнатилди.
Ушбу стационар валидаторлардан фойдаланишда йўловчиларда кўникма ҳосил қилиш, энг асосийси бу борада транспортга чиқиб-тушиш қоидаларига амал қилишни таъминлаш дастлабки синов даврининг асосий вазифасидир.
Шундан келиб чиқиб, йўловчилардан автобусга чиқишда ОЛД ЭШИКдан, тушишда эса ЎРТА ВА ОРҚА ЭШИКлардан фойдаланишларини сўраб қолардик.
.jpg "X factor uzbekistan")
.png "YouTube UZREPORT TV")
