O‘zbekistonda radioaktiv metallar bo‘yicha 41 ta kon hisobga olingani ma’lum bo‘ldi
Respublikada foydali qazilmalar zaxiralari bo‘yicha davlat balansida jami 2537 ta foydali qazilmalar konlari hisobga olingan. Bu haqda Tog‘-kon sanoati va geologiya vazirligi boshqarma boshlig‘i Ilyos Jumayev ma’lum qildi.
Qayd etilishicha, hisobga olingan konlardan 1855 tasi – qurilish materiallari, 296 tasi – uglevodorodlar, 128 tasi – tog‘-kon xomashyosi, 92 tasi – qimmatbaho metallar, 61 tasi – tog‘-kimyo xomashyosi, 41 tasi – radioaktiv metallar, 31 ta – rangli toshlar, 20 tasi – rangli va kamyob metallar, 8 tasi – ko‘mir hamda yonuvchi slanetslar, 5 tasi qora metall konlaridan iborat.
Bugungi kunda 101 ta oltin va 3 ta kumush koni hisobga olingan bo‘lib, ushbu konlarning asosiy qismi Navoiy va Olmaliq kon-metallurgiya kombinatlari xomashyo bazasi sifatida berilgan.
10 ta mis koni hisobga olingan bo‘lib, uning asosiy zaxiralari Toshkent viloyatidagi Oliy Ziyo, Saricheku, Qizata konlariga to‘g‘ri keladi.
Jizzax, Navoiy va Samarqand viloyatlarida 9 ta kon bo‘yicha volfram zaxiralari hisobga olingan hamda ularning ba’zilari o‘z vaqtida o‘zlashtirilgan.
43 turdagi noruda foydali qazilmalarning 2085 ta ortiq konlari aniqlangan, hozirda ularning 86 foizidan ko‘prog‘i sanoatda o‘zlashtirilgan.
.png "YouTube UZREPORT TV")
