Olimlar Quyoshning haqiqiy rangi sariq emasligini aniqladi
Olimlar Quyoshning haqiqiy rangi sariq emasligini aniqladi
Barchaga ma'lumki, Quyosh ko'zimizga sariq rangda ko'rinadi. Jahon olimlari esa Quyoshning haqiqiy rangi sariq emasligini aniqladi. Bu haqda esa "Science focus" nashri xabar bermoqda.
Astranomlarning aytishicha, yulduzlarning ranglari ularning sirt haroratiga, shuningdek, inson ko'zi sezadigan to'lqin uzunligiga bog'liq bo'ladi va insonlarning rangni idrok etish uslubiga ko‘plab omillar, shu jumladan, ko‘zning tuzilishi ham ta’sir qiladi. Shuningdek, spektrdagi to‘lqin uzunligining cho‘qqisi, odatda, jismning ko‘rinadigan rangini ham aniqlaydi. Olimlar Quyosh uchun bu spektr odamlar yashil deb ataydigan to‘lqinga to‘g‘ri kelishini aytgan.
Biroq, ko'rinadigan spektrning tor diapazonida, har bir to'lqin uzunligida chiqarilgan yorug'lik miqdori deyarli bir xil. Ammo, eng muhimi, odamning ko'zlari spektrning turli ranglarini birlashtirish orqali yorug'likni sezmaydi. Shunday qilib, yashil yorug‘likning haddan tashqari ko‘pligi tufayli u odam ko‘ziga yashil emas, oq bo‘lib ko‘rinishi ta’kidlangan.
Tadqiqot so‘ngida olimlar yakuniy xulosa sifatida Quyoshning haqiqiy rangi oq ekanini ma’lum qilgan. Xo'sh, nima uchun u odatda sariq rangga o'xshaydi? Buning sababi shundaki, Yer atmosferasi ko'k nurni qizil nurdan ko'ra samaraliroq tarqatadi. Ko'k yorug'likdagi bu kichik nuqson ko'zning Quyosh rangini sariq rang sifatida qabul qilishini bildiradi.
.png "YouTube UZREPORT TV")
