L'Oreal нега бу сўзларни қўлламоқчи эмас? Бу ҳам ирқчилик билан боғлиқми?
Машҳур французча компания – L'Oreal тери учун мўлжалланган косметик маҳсулотлар изоҳида «оқ», «оқартирувчи» ва «ёрқин » сўзларини ишлатмайдиган бўлди.
Ишлаб чиқарувчилар АҚШ ва бошқа давлатларда афроамерикалик Жордж Флойднинг ўлимидан кейин ривожланган ирқчиликка қарши намойишлардан сўнг шундай қарорга келишга мажбур бўлишмоқда.
Шунингдек, PepsiCo корпорацияси ҳам қора танли аёл жилмайиб турган суратдан иборат бренд логотипи – Aunt Jemima’ни ҳам ўзгартирадиган бўлди. Американинг Johnson & Johnson компанияси ҳамда Нидерландиянинг Unilever компанияси ҳам ўз маҳсулотлари қадоғида «оқ» сўзини ишлатмайдиган бўлди.