Инновацион мактаб ARTEL TECHNICAL SCHOOL биринчи ўқувчиларини қабул қилди

Пойтахтимизнинг Чилонзор туманида жойлашган янги “Келажак мактаби” – ARTEL TECHNICAL SCHOOL ўзининг илк қалдирғочларини қабул қилди. Қайд этиш керакки, мазкур таьлим даргохида ўқувчилар энг илғор таьлим услубиятлари орқали аниқ фанлар ва инглиз тилини чуқурлаштирилган холда ўрганадилар. Мактабда 2017-2018 ўқув йили биринчи қўнғироқ тадбири билан бошланди. Таьлим даргохининг очилишида давлат ва нодавлат ташкилотлар вакиллари, мактаб рахбарияти, Чилонзор тумани хокимияти, ўқувчи ёшлар хамда уларнинг ота-оналари иштирок этишди.  

Эрта тонгдан мактаб ховлиси ўқувчилар билан гавжум бўлди. Сабаби бу кун улар учун энг бахтли он – янги ўқув йилига илк қадам демакдир. Тантанали тадбир аввалида Ўзбекистон республикасининг давлат мадхияси янгради. Шундан сўнг сўзга чиққанлар ўқувчиларни янги ўқув йили билан муборакбод этиб уларга яхши тилаклар билдирдилар. Жажжи болажонларнинг мактаб ҳақидаги шеьрлари ва ижодий чиқишлари йиғилганларга янада кўтаринки кайфият улашди. Тадбирда, шунингдек, эстрада юлдузлари ўз қўшиқлари билан ташриф буюрганлар олқишига сазовор бўлдилар. Бадиий чиқишлардан сўнг келажак мактаби ўз бағрига биринчи ўқувчиларни қабул қилди. Қайд этиш керакки, барча мактабларда бўлгани каби бу ерда хам 11 йиллик таьлим жорий этилган. Бу йил мактабга 1-синфдан  7-синфгача бўлган 160 нафар ўқувчи қабул қилинди.

Козимжон Хасанов -  “ARTEL TECHNICAL SCHOOL” директори:  Мактабнинг асосий ғояси бу таълимни ишлаб чиқариш билан боғлаш. Юқори синфлардаги ўқувчилар Артел компаниясининг заводларида амалиётни ўташлари ташкил этилади. Шу билан бирга, компаниянинг етакчи мутахассислари ўқув жараёнига жалб этилган ҳолатда, ўқув жараёнини ишлаб чиқариш жараёни билан боғлаш механизмини амалга оширишади. Педагог жамоамизга биринчи навбатда Ўбекистондаги таълим муассасаларининг етакчи мутахассислари жалб этилган. Бундан ташқари чет ўқитувчилар жамоаси давлатларидаги нуфузли олий ўқув юртларида таълим олган хамда малака ошириб қайтган ўқитувчилар ҳисобига ҳам шакиллантирилди.  

Артел техника мактабида ўқувчиларнинг билим олишлари учун барча шароитлар яратилган. Хусусан, бинода ёшларга техника йўналиши бўйича бир қанча ўқув хоналари ташкил этилган. Бундан ташқари болаларнинг қизиқишларини инобатга олган ҳолда, бу ерда турли мавзудаги китобларга бой кутубхона ишга тушурилган ва компютер жихозлари билан таъминланган. Ўқув хоналари эса жахон стандартларига талаб даражасида жавоб беради.  ARTEL техника мактабида хавфсизлик меъёрлари нуқтаи назардан кузатув камералари ўрнатилган бўлиб, уқувчилар доимо назоратда. Шу тариқа уларнинг дарсга қатнови кузатиб турилади. Бу эса ўз навбатида ота оналарнинг фарзандларидан хавотир олмасдан ўз ишлари билан машғул бўлишларига имконият яратади. Мактабда шунингдек соғлм турмуш тарзини таъминловчи очиқ ва ёпиқ спорт майдончалари мақжуд. Бир сўз билан айтганда Артел техника мактаби ўқувчиларнинг нафақат аниқ фанлар, балки хорижий тилларни пухта эгаллаши, келажакда етук билимли шахслар бўлиб камол топишларида замин бўла олади.