Dunyoning 100 ta eng yaxshi shaharlari nomi e’lon qilindi

Resonance Consultancy konsalting kompaniyasi tomonidan tuzilgan “Dunyoning 100 ta eng yaxshi shahri 2024” reytingida London ketma-ket o‘ninchi yil yetakchilik qilmoqda. Loyiha veb-saytida ta'kidlanganidek, Britaniya poytaxti o'zining "bardoshli ruhi va beqiyos global jozibasi" uchun yuqori baho oldi.

Tadqiqotchilar 12 milliondan ortiq aholi istiqomat qiladigan Londonning transport tizimi, ekologik tashabbuslar, sarmoyaviy salohiyat va mehmonxona sektori rivojlanishini qayd etdi.

“Londonning tarixiy merosi va uning zamonaviy ambitsiyalari o‘rtasidagi sinergiya uni nafaqat bugungi shahar, balki kelajak metropolisi sifatida ham ko‘rsatadi”, — deyiladi hisobotda.

Nyu-York reytingda ikkinchi o'rinni egalladi, u "buzilmas ruhi" va pandemiyadan tezda tiklanishi uchun maqtovga sazovor bo'ldi.

Uchinchi o‘rin Parijga nasib etdi, mualliflarning fikricha, u “kelajakka yo‘naltirilgan shaharni yangilash tashabbuslari bilan bizni hayratda qoldirishda davom etmoqda”.

“Parij sayyoramizning hech bir joyida bo‘lmaganidek, sayr qilish, velosipedda yurish va ochiq havoda yashashni kodlashtirgan”, — deyiladi reytingda.

Kuchli oʻnlikka Tokio, Singapur, Rim, Madrid, Barselona, Berlin va Sidney ham kirdi.