Rossiya harbiylari Belarusda ukrainaliklar uchun lager yaratdi - OAV

2022 yilning bahorida rus harbiylari Belarusning Gomel oblasti Narovlya shahrida filtratsiya lagerini tashkil qilib, u yerda ukrainalik asirlarni qiynoqqa solgan. Bu haqda 29 noyabr, juma kuni mustaqil matbuotda «Kiberpartizany» va The Reckoning Project ko‘magida chop etilgan «Sxemy» loyihasi qo‘shma surishtiruvida aytiladi.

Sun’iy yo‘ldosh tasvirlarini tahlil qilgan jurnalistlarning so‘zlariga ko‘ra, rossiyalik harbiylar Komsomolskaya ko‘chasidagi lagerda kamida 2022 yil may oyining boshigacha qolgan.

The Reckoning Project: RF harbiylari tinch aholini Narovlyaga olib borgan

The Reckoning Project nashriga ko‘ra, rossiyalik harbiylar tinch aholini, jumladan, voyaga yetmaganlarni Narovlyaga yetkazgan, harbiy asirlar ham u yerda saqlangan.

2022 yil mart oyi oxirida rossiyalik harbiylar tomonidan asirga olingan va Narovlya shahrida saqlangan Ukraina Qurolli kuchlari harbiy xizmatchisi Bogdan Lisenko u yerda qiynoqlar qo‘llanganini da’vo qiladi: «U yerda tinch aholini kaltaklashdi. U yerda doimo qichqiriqlar eshitilardi».

Yurist: Lukashenko mas’uliyatni zimmasiga olishi kerak

«Ushbu filtratsion lagerlarini vakolatli davlat amaldorlarisiz yaratish mumkin emas, ular bunga rozilik berishi kerak, - dedi yurist Yuliya Polexina. - Odamlar kaltaklangan, qiynoqqa solingan va tibbiy yordam ko‘rsatilmagan bo‘lsa, bu urush jinoyatidir», deya qo‘shimcha qildi u Belarus rahbari Aleksandr Lukashenko javobgarlikni o‘z zimmasiga olishi kerakligiga ishonch bildirib.

Lukashenkoning matbuot kotibi Natalya Eysmont jurnalistlarning so‘rovlariga javob bermadi.