Huawei 1
Xitoylik tadbirkor auksionda xarid qilgan 6,2 mln dollarlik bananini yedi

Xitoylik milliarder Jastin San devorga skotch bilan yopishtirilgan 6,2 million dollarlik bananni yedi. U italiyalik rassom Maurisio Kattelanning ushbu san’at asarini auksionda xarid qilgandi. Bu haqda AFP xabar berdi.

Milliarder TRON blokcheyn platformasining asoschisi bo‘lib, o‘tgan hafta kimoshdi savdosida “Komedian” nomli san’at obyektini sotib olgandi. U o‘shanda bananni shunchaki san’at asari emas, balki “madaniy hodisa” deb atab, yeyishga va’da bergandi.


Gonkongdagi eng qimmat mehmonxonalardan birida bo‘lib o‘tgan 29-noyabr kungi konferensiyada San bergan va’dasini bajardi. U devorga skotch bilan yopishtirilgan bananni yedi. Jastin San san’at asari boshqa bananlardan mazaliroq ekanini ta’kidladi.

“Komedian” asari birinchi marta 2019-yilda Mayami Bichdagi Art Basel ko‘rgazmasida namoyish etilgan, o‘shanda tomoshabinlar orasida bu haqiqiy san’atmi yoki shunchaki hazilmi, degan bahslar kelib chiqqan.

Jastin San — kelib chiqishi xitoylik tadbirkor bo‘lib, u o‘zining birinchi pullarini Snapchat’ning xitoylik analogi bo‘lgan Peiwo ilovasida ishlab topgan. 2014-yilda u kripto hamjamiyatiga qo‘shilgan va o‘shandan beri blokcheyn loyihalariga e’tibor qaratmoqda.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 112918 | Инструменты