Сталик Ханкишиев: таом тайёрлашни ўзбек халқидан ўрганганман

Ҳар биримиз у ёки бу миллат таомларини ҳуш кўрамиз. Кимдир Италия, кимдир франсуз ошхонаси яна кимдир эса Хитой таомларини севиб танаввул қилади. Бироқ, шарқ ошхонаси, айниқса ўзбек таомлари ўзининг маззаси ва хилма хиллиги билан кўпчилик, айниқса хорижликлар эътиборини ўзига жалб қилади. Ўзбек ошхонаси турли сабзавотлар, зираворлар, кўкатларга бой.

Сталик Ханкишиев – шарқ таомлари, хусусан ўзбек ошхонасини керагидан ҳам ортиқроқ биладиган инсон. У бугунги кунда у ўзбек таомларининг энг ёрқин тарғиботчиларидан бири саналади. шу боис, биз унинг фаолиятини доим кузатиб борамиз. Яқинда “Uzreport TV” канали ижодий гуруҳи Москвада, Сталик Ханкишиев хонодонида меҳмон бўлиб қайтди.

Моҳир ошпаз ошпаз, ёзувчи, фотограф Сталик Ханкишиев кулинар китоблар бўйича нуфузли халқаро танловларнинг уч карра ғолибига саналади.Хусусан, 2013 йилда Озарбайжон ошхонасига бағишланган “Бозор, қозон ва дастурхон” танловида кулинария устаси ўз китоби билан иштирок этган ва унда ғолиб бўлган эди. шундан сўнг, 2014 йилда унинг кавобга бағишланган “Мангал” китоби, 2015 йилда эса Пекинда ўзбек ошхонаси ҳақида ҳикоя қилувчи “Козон “ китоби кулинарияга оид энг яхши китоб деб тан олинди. Дарвоқе, Сталик Ханкишиев 2014 йилда Франкфурт китоб ярмаркасида иштирок этган пайтида у билан ўзбек тамомлари ҳақида суҳбатлашишга муваффақ бўлган эдик.

Сталик Ханкишиев таомларни жуда мазалли қилиб тайёрлайди, ҳар бир тамомга математик аниқлик билан ёндошади. У шунингдек, таомларни шундай таърифлайдики, масалан палов ёки кавоб унинг тўлиқ сюжетли драмаси ёки комедиясида бош қаҳрамонга айланади. Баъзида ушбу таомлар учун гўшт нотуғри танланадиган бўлса, унинг асари трагедияга ҳам айланиб кетиши мумкин.

Мусиқа ва тамом ўртасидаги умумийлик, у кимдан бунчалик мазалли таом тайёрлашни ўрганлангиги, нима учун тамом айнан қозонда пиширилганда мазалироқ бўлиши ҳақида Сталик Ханкишиев тез орада “Uzreport TV” каналида эфирга бериладиган «Интервю» дастурида биз билан ўртоқлашади.

- Менга таом тайёрлашни кўп миллатли ўзбек халқи ўргатган, дейди – ошпаз, ёзувчи ва фотограф Сталик Ханкишиев. - Уларни мен турли миллат вакиларидан, ўзбек заминида, қайноқ куёш тафти остида ўрганганман.