Оқ уй: Трамп ва Путин учрашуви 11 августда бўлиши мумкин
АҚШ ва Россия президентлари Доналд Трамп ва Владимир Путин келаси ҳафтада, 11 августдан бошлаб шахсий учрашув ўтказишлари мумкин. AP агентлигининг 6 август, чоршанба куни хабар беришича, бу норасмий баёнотни Оқ уй вакили берган. Бироқ, унинг шартига кўра, икки давлат раҳбарларининг эҳтимолий учрашуви жойи ҳали аниқланмаган ва учрашувнинг ўзи ҳам давлат раҳбарларининг иш жадвалига киритилмаган.
Шу тариқа, америкалик расмий The New York Times газетасининг АҚШ президентининг махсус вакили Стив Виткофнинг Москвада Владимир Путин билан учрашувидан кўп ўтмай пайдо бўлган хабарини билвосита тасдиқлади. Трампнинг ўзи Truth Social ижтимоий тармоғида ушбу учрашув натижаларини шарҳлар экан, у “жуда самарали” бўлганини ва “жуда катта ютуқларга эришилганини (Украинада ўт очишни тўхтатиш имконияти бўйича музокараларда. – Таҳр.)” қайд этган.
Айни пайтда Трамп ва Путин ўртасида яқин келажакда режалаштирилган учрашув ҳақидаги маълумотни Германиянинг дпа ахборот агентлиги ҳам тасдиқлади. Бу маълумотни Германия ҳукумати доираларидаги манбалардан Трамп Европа ҳукуматлари раҳбарларига қўнғироқ қилиб, Виткоф ва Путин ўртасидаги учрашув натижалари ҳақида айтиб берганидан кейин олгани таъкидланган. “АҚШ президенти Доналд Трамп яқин орада Кремль раҳбари Владимир Путин билан учрашиб, Украинадаги урушни тугатиш бўйича музокаралар ўтказмоқчи”, — дейилади хабарда.
.png "YouTube UZREPORT TV")
