Пластик келишув бўйича Женева музокаралари муваффақиятсизликка учради
180 дан ортиқ давлат ва 600 ноҳукумат ташкилот вакиллари БМТ бошчилигидаги Женевада бўлиб ўтган музокараларда пластик чиқиндиларга қарши кураш бўйича глобал келишувни қабул қила олмади. Бу ҳақда 15 август, жума куни эпд агентлиги хабар берди. Музокараларга бошчилик қилган Эквадорнинг Буюк Британиядаги элчиси Луис Ваяс Валдивиесонинг сўзларига кўра, келишув матнини муҳокама қилиш давом этади. Валдивиесо кейинги учрашувнинг аниқ санаси ва жойини айтмади.
"Женева биз глобал миқёсда пластик ифлосланишни чеклашимиз керак бўлган келишувни келтирмади. Бу умидсизлик", - дея Германия делегати Ёхен Фласбарт сўзларини келтиради Реутерс. Иштирокчи давлатларнинг позициялари ҳали ҳам бир-биридан кескин фарқ қилсада, Фласбартҳнинг фикрича, эртами-кечми келишувга эришилишига умид бор. Унинг аниқлик киритишича, Германия ва унинг Европа Иттифоқидаги ҳамкорлари бунга эришиш учун барча имкониятларни ишга солади.
Женевадаги музокаралар 14 августда якунланиши керак эди, бироқ келишувнинг якуний матнидаги 100 дан ортиқ баҳсли бандлар туфайли яна бир кунга узайтирилди. Асосийси, пластик ишлаб чиқаришни қисқартириш, хусусан, Германия буни талаб қилмоқда. Саудия Арабистони, Россия ва Эрон каби нефть қазиб олувчи давлатлар бу фикрга мутлақо қўшилмайди.
.png "YouTube UZREPORT TV")
