Huawei 1
Abu-Dabida noyob dengiz parki ochildi (Video)

Abu-Dabidagi Yas orolida noyob dengiz parki ochildi. 180 ming kvadrat metrdan ortiq maydonda dengiz va okeanlarning 100 mingdan ziyod jonzodlari, qushlar, sudralib yuruvchilar va sutemizuvchilar joylashtirilgan.

Innovatsion parkda dunyodagi eng katta akvarium o'rnatilgan bo'lib, u 25 million litr suv uchun mo'ljallangan. Akvariumdagi o’n minglab dengiz jonzodlari orasida bir qancha noyob turlarni ko'rish mumkin.

Bog' sakkizta iqlim zonasiga bo'lingan, bu yerdagi hayvonlarning hayot tarzi tabiiy muhitdagi kabi yaratilgan. Kun va tunning o'zgarishi sun'iy yoritish tizimi tomonidan simulyatsiya qilinadi, harorat esa mavsumga qarab o'zgaradi.

Parkdagi morjlar va pingvinlar qor bilan qoplangan qirg'oqlarda vaqt o'tkazadi. Flamingolar, delfinlar va boshqa termofil hayvonlar uchun tropik sharoitlar yaratilgan.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga