Huawei 2
Эктор Купер ўрнига миллий терма жамоага ким келади?

Миллий терма жамоада бош мураббий алмашиш арафасида. Ҳозирда терма жамоани бошқараётган Эктор Куперга бўлган ишонч тобора камаймоқда. Бу фақатгина Фаластиндан учралган мағлубият билан боғлиқ эмас.

 Умуман, Купер қўлостидаги терма жамоанинг ўйини мухлисларда умид уйғотмаяпти. Бундай ўйин билан миллий терма жамоани Жаҳон чемпионатига олиб чиқиб бўлмаслигини ҳамма тушуниб турибди. Демак, тез орада Эктор Купер билан хайрлашиб, терма жамоани янги мураббийга топшириш керак бўлади. Хўш, бу қайси мураббий бўлади?

Ҳозирда, Купердан сўнг миллий терма жамоани бошқаришга бир қатор номзодлар тилга олинмоқда. Улардан қайси бирини терма жамоага тайинлашни Ўзбекистон футбол ассоциацияси раҳбарияти ҳал қилади.

Вадим Абрамов. Шубҳасиз, аксарият мухлислар миллий терма жамоага айнан мана шу мутахассис келишини исташмоқда. Сабаби Абрамов қўлостида Ўзбекистон терма жамоаси ёрқин ва ҳужумкор ўйин намойиш қилганди. Натижа борасида ҳам олдинга силжиш бўлган. Фақат, Жаҳон чемпионати саралашида эмас, Осиё Кубогида. 2011 йил миллий терма жамоамиз Абрамов қўлостида ўз тарихида биринчи марта Осиё Кубогида 4-ўринни қўлга киритган. ЖЧ-2014 саралашида эса Вадим Абрамов 2-босқичдан муваффақиятли ўтган. Аммо сўнгги босқичнинг илк ўйинида Тошкентда Эрондан учралган мағлубиятдан кейин Абрамов истеъфога чиқарилганди.
Мазкур мутахассис ҳозирда "Бунёдкор" жамоасини бошқараётганини ҳам таъкидлаб ўтиш керак. Унинг қўлостида асосан ёш футболчилардан ташкил топган жамоа яхши натижалар қайд этмоқда. Агар Абрамов терма жамоага бош мураббий сифатида тайинланадиган бўлса, клубни бошқаришда давом этадими ёки йўқ? Бу ҳам қизиқарли савол.

Шота Арвеладзе. Арвеладзе икки йил деганда "Пахтакор"ни шаклланган жамоага айлантира олди. Ҳозирда ушбу мураббийнинг имзоси "шерлар" ўйинида яққол сезилиб турибди. "Пахтакор" бу мавсумда мамлакат биринчилигида чемпионга айланиши тобора ойдинлашиб бормоқда. Жамоа энг яқин таъқибчиларидан анча илгарилаб кетган. Ўз вақтида Луи ван Гал каби тажрибали мураббийга ёрдамчи сифатида фаолият юритган грузиялик мутахассис миллий терма жамоамиз бошқарувига келиши мумкин бўлган мутахассислар рўйхатида бор.Агар Арвеладзе миллий терма жамоага бош мураббий сифатида тайинланса, терма жамоа ўйинини шакллатириш учун унга вақт етадими? Ҳар ҳолда терма жамоада худди "Пахтакор"да бўлгани каби икки йил вақт йўқ.

Тимур Кападзе. Мазкур ёш мутахассис ўтган йили маълум вақт давомида миллий терма жамоамизга бошчилик қилган. Терма жамоа бош мураббийи бўлиш қанақа эканини ўзида ҳис қилиб кўрган. Унинг қўлостида миллий терма жамоа Марокаш, Сенегал, Уругвай каби жаҳоннинг кучли терма жамоаларига қарши баҳс олиб борганди. Таъкидлаш керакки, гарчи бу ўйинларда Ўзбекистон терма жамоаси мағлубиятга учраганига қарамай, ўйин жиҳатдан мухлисларда ижобий таассурот қолдирганди. Ҳозирда Тимур Кападзе "Қўқон-1912" клубида фаолият юритмоқда.

Миллий терма жамоанинг янги бош мураббийи ҳақида гап кетганда юқоридаги номзодлардан ташқари Улуғбек Бақоев, Рўзиқул Бердиев, Даврон Файзиев каби мутахассисларнинг ҳам номлари тилга олинмоқда. Аммо бу мураббийларнинг миллий терма жамоани бошқариш имкониятлари анча паст баҳоланмоқда. Ҳозирда Ўзбекистон миллий терма жамоаси саралаш босқичида гуруҳда қийин аҳволда қолган. Сўнгги ўриндамиз. Гуруҳда 1-ўринни олган терма жамоалар кейинги босқичга йўлланмани қўлга киритади (Шунингдек, 4та гуруҳда энг яхши натижа қайд этган 2-ўрин соҳиблари ҳам сўнгги босқичга йўл олади).

Шундан келиб чиқиб айтадиган бўлсак, ҳозирда терма жамоамизни руҳлантириб, бир муштга жамлаб, кейинги ўйинларга яхши тайёрлай оладиган мутахассис керак. Бу қайси мураббий бўлишини вақт кўрсатади. Вақт эса жуда кам қолганини ҳам эслатиб ўтиш зарур. Саралашнинг кейинги ўйини 10 октябрь куни Тошкентда Яман терма жамоасига қарши бўлиб ўтади.

Izohlar: 34
Siz identifikatsiyadan o'tmadingiz
Ro'yxatda bo'lmay turib izoh qo'shish
  • baha1982@kape.cc
    -4
    Baha1982 4 yil avval

    агар менда танлаш имкони булганда Д.Файзеивни бош мураббий етиб тайинлардим

  • Аълоиддин
    1
    Аълоиддин 4 yil avval

    Миржалол Косимовнинг футболчилик давридаги армони жахон чемпионатига чикиш булган. балки мураббий сифатида жомоани олиб чикишга харакат килар.

  • Rozimurod
    2
    Rozimurod 4 yil avval

    Bóladi baribir foydasi yoq futbol ozbeklar ucun emas ekan Shu uchun chetdan Olib kelmasdan ózimizni oyincilarni ózimizni murabbiylarni óynataverishimiz kerak

  • Farhod
    0
    Farhod 4 yil avval

    O'zbekiston termasini eng yaxshi boshqargan murabbiylar bu Mirjaolo Qosimov va Abramov. Shu ikkisidan biri bosh murabbiy bo'lsa ijobiy natijaga erishish mumkin nazarimda. Barsa muhlisi

  • Aziz
    0
    Aziz 4 yil avval

    Paxtakor O'zbekistonda chempion bulgandur lekin Osiyoda yetarli mavqey xali olgani yoq. U bilan birga Arveladze xam. Vaim abramovni keyin korarmiz. Kuper oxirigacha borsin aralashmagan maqul. Daraxt bitta joyda kukaradi.

  • yusufjurayev5@gmail.com
    1
    Yusufjurayev5 4 yil avval

    Assalomu alaykum Vadim Abramovga imkoniyat berish kerak chunki Vadim Abramov boshchiligida terma jamoamiz tarixiy galabaga ham erishgan yani yaponiyani maglubiyatga uchratgan Yana safarda va 2 tarkib bilan osha paytda yaponiya osiyo grandi edi bu galaba tasodifan bolmagan agar Vadim Abramov jamoga kelsa terma jamoa johon chempionatiga chiqishi mumkin chunki eronga qarshi bolgan maglubiyatda koproq yaponiyalik hakam sababci bolgan toza golni hisobga olmagan undan tashqari osha oyinda ozbekiston erondan ancha yahshi va hujumkor oyin korsatgan

  • Xasanov Javlonbek
    0
    Xasanov Javlonbek 4 yil avval

    Vadim abramovni mtj ga bosh murabbiy bolishi kerak chunki arveladzega ishonchi kam muhlislarni bu pahtakaordi bu tarkibi bilan 1 chi liga murabiylariyam chempion qila oladi Abramov ga keladigon bolsak juda tajribalik inson va nechchi yildan beri o'zbek futboli bilan yashaydi Temur kapadzega ham shu sozlarni ishlatsam mubolaga bo'lmaydi lekin kapadze abramovga qaraganda tajribaszroq albatta Kapadzega hurmatimni saqlagan holda yozyapman Biz muhlislar terma jamoamiz hujumkor rang barang oynlarini sogindik futbol har bir davlatta yuksalmoqda lekin bizni terma jamoa bundan mustasno gapim notogri bolsa kechiraszlar hususan man sogindim o'sha server jeparov genireh jasur hasanov aziz haydarov maksim shatskih denisov lar davrini anashu insonlar bor paytda hamma fahrlanardi terma jamoamizdan hozirchi ozingiz bilasz???????????!!!!!!!!

  • Самад Абдурасулов
    0
    Самад Абдурасулов 4 yil avval

    Afsus hammasi tamom televezordan koradigan boldik oyinni uzb terma hammasi bu yil ham chiqolmidi tochni

  • Ulug'bek
    0
    Ulug'bek 4 yil avval

    bizani terma jamoaga Bora Milotinovich kerak yoki Shota arvaladzeni tayyorlash kerak !

  • Jonibek
    0
    Jonibek 4 yil avval

    Vadim Abramov bula qolsin

  • Bahodir
    0
    Bahodir 4 yil avval

    Vadim Abramov kelgani yaxshi olimpia jamoamiz murabiyi ham yaxshi ikkalasidan biri kelgani maqul

  • Murodbek
    0
    Murodbek 4 yil avval

    Men Falastinga qarshi uyindan song o'z fikrlarimni aytgandim. Bu birinchi oyin edi. Lekin xali xammasi oldinda Balki Ektor janobkariga imkon berish kerak mavsum oxirigacha Qanday murabbiy kelmasin biz J.Ch.2022 chiqiwimiz qiyin Kuper qolsa bu terma jamoa uchun yaxshigina dars bolardi Moliyaviy taraflarxam yaxshi

  • Asrorbek
    0
    Asrorbek 4 yil avval

    Uzb milliy terma jamoasini boshqarish uchun eng yaxshi nomzod bu Juze Mourinyo agar iloji bulsa Moureinyoni chaqirish kerak Ayni damda Mourinyo ishsiz hisoblanadi. Agar u terma jamoaga kelsa terma jamoa aniq JCHga chiqadi. Fikrimga nima diysizlar

  • Gijduvon
    0
    Gijduvon 4 yil avval

    Kerakmas bular Xavi ni olib kelsin

  • Forvard_7
    0
    Forvard_7 4 yil avval

    Bu yerda yaxwi variant Abramov

  • Usenov ahmad
    0
    Usenov ahmad 4 yil avval

    Kuperga ishonish kerak. Uni qisish kerak emas uziga quyib berin xammasini uddalaydi. Uzbekiston olg'a

  • Javohir
    0
    Javohir 4 yil avval

    Abramov kesin

  • Тимур Досымов
    0
    Тимур Досымов 4 yil avval

    Вадим Абрамов

  • Jamshid
    0
    Jamshid 4 yil avval

    Kopro pul ketsayam Ispanya yoki Anglyadan kimidur obkelish kere pastro diviziondan bosayam

  • Xurshidbek
    2
    Xurshidbek 4 yil avval

    Kuper qolishi shart,chunki uning o'rniga kelgan murabbiy o'z jamoasini tuzib olishi uchun ancha vaqt ketadi va yana bahona tayyor bo'ladi:"VAQT KAM EDI". Sabr qilaylik do'stlar !!!

    • Yunusbek
      0
      Yunusbek 4 yil avval

      Tuppa turi oka zur gap ettiz

  • Умут
    0
    Умут 4 yil avval

    Нужно игроков менять, а не тренера!

  • Жавохир
    0
    Жавохир 4 yil avval

    Энг яхши номзод- бу Вадим Абрамов!

  • Асилбек
    0
    Асилбек 4 yil avval

    ВАДИМ АБРАМОВ ВА ТЕМУР КАПАДЗЭ ЛАРНИ ТАЙИНЛАШ КЕРАК

  • Сардор
    0
    Сардор 4 yil avval

    Кападзе??? Не нужен он сборной. Моё мнение самый лучший вариант Вадим Абрамов

  • Эгамов Фирдавс
    0
    Эгамов Фирдавс 4 yil avval

    Буни факатгина Вадим Абрамов еплиди мен бунга ишонаман

  • Ислам закиров
    5
    Ислам закиров 4 yil avval

    Менимча Даврон файзиев булиши керак чунки даврон ака Анча мунча тактикаларди жуда яхши билади. Лекин бу инсонда мураббийликга лицензия бормикн? бунисини билмадим. Анмо купер истефоси зур бупти

  • Хикматилло
    0
    Хикматилло 4 yil avval

    Моуриниони олиб келайлик

  • Ramz
    0
    Ramz 4 yil avval

    Kapadze ni olin kelish kerak chunki u terma jamomizda yaxshi oynaga termamizga nima yetishmasligini yaxshi bilsa kerak keyin u yerdagi futbolchilarni yaxshi tushuna olsa kerak bu meni fikrim

  • Сулаймон
    0
    Сулаймон 4 yil avval

    я бы место Арвеладзе хотел бы увидеть Тачмурат Агамурадова у него больше опыта и он несколько раз доказывал что хорошо знает Узбекский футбол.

  • Камол
    0
    Камол 4 yil avval

    Фойдаси йук абрамов хам арвеладзи хам косимовни куйиш керак

  • Baxrom
    0
    Baxrom 4 yil avval

    Tezroq Abramovni qoʻyish kere

  • Jaxongir
    0
    Jaxongir 4 yil avval

    Yevropadan kuchli murabbiy olib kelishkere.yokiMirjalol Qosimov kelishi kere


Tepaga