Sizlarni har doim eng qiziqarli yangiliklardan xabardor qilish maqsadida yangi xabarlar haqida ogohlantirishimiz mumkin.
Buxgalterlarni qog‘ozbozlikdan qutqargan yangi qaror, 6% lik QQS va 0% li foyda solig‘i shakllari tasdiqlandi
O‘zbekiston Adliya vazirligi Soliq hisoboti shakllariga o‘zgartirishlar kiritish bo‘yicha hujjatni davlat ro‘yxatidan o‘tkazdi. Mazkur hujjat biznesni raqamlashtirish va soliq yukini kamaytirish yo‘lidagi navbatdagi muhim qadam bo‘ladi.
Yangi qoidalarga ko‘ra, tadbirkorlar uchun soliq davri yakunlangach, hisobvaraq-fakturalar reyestrlarini printerdan chiqarish, sahifalash, tikish va muhrlash majburiyati butunlay olib tashlandi. Elektron yuritiladigan qo‘shimcha varaqlarni ham chop etish talab etilmaydi.
Hujjat bilan qo‘shilgan qiymat solig‘ini (QQS) hisoblash va to‘lashning soddalashtirilgan tartibi bo‘yicha yangi hisobot shakllari tasdiqlandi. Endilikda asosiy faoliyati umumiy ovqatlanish, savdo yoki xizmat ko‘rsatish bo‘lgan tadbirkorlar ushbu shakllarni topshirish orqali tovar va xizmatlarni realizatsiya qilish aylanmasiga nisbatan 6% lik QQS, 0% stavkada foyda solig‘i imtiyozidan foydalanishlari mumkin.
Qaror bilan yuridik shaxslardan olinadigan yer solig‘i hisoboti shakliga ikkita yangi — “Soliq solinadigan baza” va “Samarasiz foydalanishdagi yerlar” bo‘limlari qo‘shildi.
Mazkur idoraviy hujjat soliq ma’murchiligini soddalashtirish va biznes yuritish konseptini yengillashtirish strategiyasining uzviy qismidir. Reyestrlarni chop etish kabi qog‘ozbozlikning bekor qilinishi hamda 6 foizlik QQS hisobotining moddiy kuchga kirishi tadbirkorlik subyektlariga ma’muriy bosimni kamaytiradi.
Baholash:
0
0
Izohlar: 0
Siz identifikatsiyadan o'tmadingiz
Ro'yxatdan o'tish yoki Kirish
Ro'yxatda bo'lmay turib izoh qo'shish
.png "YouTube UZREPORT TV")
