"Барселона" ва Коутиньо ўртасида расман шартнома имзоланди

Филиппе Коутиньо "Барселона" билан расман шартнома имзолади.

Бугун футболчм янги жамоаси билан махсус ташкил қилинган матбуот анжуманида иштирок этди.

Шартнома муддати 2023 йилгача мўлжалланган. Футболчи "Барселона" президенти Хосеп Мария Бартомеу ҳузурида барча ҳужжатларга имзо чекди.

Шунингдек, Филиппе Коутиньо "Барселона" сафида  афсонавий ҳужумчи Йоҳан Кройфга тегишли бўлган 14-рақам остида тўп суриши маълум бўлди.

Айни пайтда, "Барселона"да 14-рақам остида Хавьер Маскерано тўп суряпти. Бироқ, у январь ойида жамоани тарк этиши кутилмоқда.

"Мен "Ливерпуль"дан бошқа жойга кетмасдим, фақат "Барселона"дан бошқа. Бу жамоада ўйнаш эса орзу эди. Мен ёшлигимда Роналдиньонинг ўйинларига маҳлиё эдим, кейин Мессининг ҳаракатлари мени сеҳрлади.

Мен "Ливерпуль" учун бор кучимни бериб ўйнаганман. 5 йил давомида қўлимдан келганини қилдим. Мен бу клубни севаман, аммо энди янги саргузаштлар вақти келди", - дейди Коутиньо.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 70408 | Инструменты