Husanovnining “sovchilari” ko’paymoqda. Endi unga APLning yana bir jamoasi xaridor
Arab shayxlariga tegishli klub o’zbekistonlik futbolchi uchun qancha bermoqchi ekanligi ma’lum
O‘zbekiston milliy terma jamoasi va Fransiyaning “Lans” klubi himoyachisi Abduqodir Husanov uchun kurashga “Nyukasl” ham qo‘shildi. Bu haqda Goal.com xabar berdi.
Manbaga ko‘ra, Angliya klubi Husanov uchun “Lans”ga boshqa da’vogar klublardan ko‘proq to‘lamoqchi. Saud shayxlari egalik qilayotgan klub 20 yoshli o‘zbekistonlik futbolchi uchun 20 million yevrodan ko‘proq sarflashga tayyor.
Hozirda dunyoning boy klubi hisoblangan “Nyukasl” Husanov transferi bo‘yicha aniq muzokaralar o‘tkazmoqda, biroq “Lans” himoyachini sotishdan 40 million yevro ishlab olmoqchi.
Qayd etish joiz, himoyachi uchun da’vogarlar qatorida Angliyaning “Manchester Siti” va Ispaniyaning “Real” klublari ham mavjud. Ma’lumotlarga ko‘ra, “Man Siti” o‘zbekistonlik himoyachini transferida favorit hisoblanadi. Shuningdek, PSJ ham Husanovni o‘z safiga qo‘shib olish uchun jiddiy bosh qotirmoqda.
.jpg "X factor uzbekistan")
.png "YouTube UZREPORT TV")
