Karlo Anchelotti dunyoning eng kuchli terma jamoalaridan biridan kelgan taklifga rozilik berdi
“Real” bosh murabbiyi yozda Madriddan ketib, terma jamoa safida faoliyatini davom ettiradi
Ispaniyaning “Real Madrid” klubi bosh murabbiyi Karlo Anchelotti yozda Braziliya terma jamoasida ish boshlashi kutilmoqda. Bu haqda “ESPN Brasil” nashri xabar bermoqda.
Manbaning yozishicha, “qaymoqranglilar” murabbiyi Braziliya futbol federatsiyasi bilan muzokaralarda terma jamoani boshqarishga rozilik bergan.
Qayd etilishicha, tomonlar 3 yillik shartnoma bandlarini muhokama qilmoqda. Anchelotti 2023-yilning yozida Braziliya bosh murabbiyiga aylanadi va kelishuv JCH-2026 yakunigacha amalda boʻladi. Italiyalik murabbiy hozircha hech qanday hujjatga qoʻl qoʻymagan, faqat rozilik bergan.
Karloning Madrid klubi bilan amalda kelishuvi borligi sababli bu haqda yozda rasman eʼlon qilinishi kutilmoqda. “Real”ning braziliyalik oʻyinchilari – Vinisius Junior, Rodrigo Goes va Eder Militao bundan xabardor qilingan.
Avvalroq, “Real” rahbariyatining Anchelottining ishidan qoniqmayotgani va mavsum yakunida uni isteʼfoga chiqarishi haqida xabar bergan edik.
.png "YouTube UZREPORT TV")
