Huawei 2
UZREPORT TV futbol bo'yicha U20 jahon chempionatini jonli efirda translyatsiya qiladi

Millionlab o’zbekistonlik futbol muxlislarining talab va istaklaridan kelib chiqqan holda hamda yosh futbolchilarimizni jahon maydonlarida qo’llab-quvvatlash maqsadida UZREPORT TV telekanali 20-maydan 11-iyungacha Argentinada bo’lib o’tadigan U20 jahon chempionatini translyatsiya qilish bo’yicha eksklyuziv huquqini qo’lga kiritdi. 

Turnir Santiago Del-Estero, San-Xuan, La-Plata hamda Mendoza shaharlarida o’tkaziladi. Ravshan Haydarov boshchiligidagi amaldagi Osiyo chempionlarimiz Argentina maydonlarida ham shunday muvaffaqiyatli yurishlarini davom ettiradi deb umid qilamiz. 

E’tiborlisi, U20 terma jamoamiz a’zolari musobaqani mezbon bo’lmish Argentinaga qarshi bahs bilan boshlaydi. O’yin 21-may kuni Toshkent vaqti bilan tungi 02:00 da start oladi. 

Estlatib o’tamiz, joriy yil O’zbekiston maydonlarida o’tkazilgan futbol bo’yicha yoshlar o’rtasidagi Osiyo chempionatida U20 terma jamoamiz g’olib chiqqan. Ushbu turnir ham UZREPORT TV telekanali orqali to’liq formatda namoyish etilgandi. Qayd etish lozim, aynan UZREPORT TV Osiyo futbol konfederatsiyasi tomonidan tashkil qilingan qator musobaqalar translyatsiyasini amalga oshirib kelmoqda. 

Yaqinlashib kelayotgan jahon birinchiligida yigitlarimizga omad tilaymiz!

UZREPORT TV telekanalida syurprizlar mavsumi davom etadi.

Izohlar: 2
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga