Mustaqillikning 31 yilligi munosabati bilan Shavkat Mirziyoyev 14 nafar chet el fuqarosini "Do'stlik" ordeni bilan mukofotladi

Mustaqillikning 31 yilligi munosabati bilan bir guruh chet el fuqarolarini mukofotlash to‘g‘risida Prezident farmoni e'lon qilindi.

Davlatlarimiz o‘rtasidagi ko‘p qirrali va o‘zaro manfaatli hamkorlikni har tomonlama rivojlantirish, sheriklik munosabatlarini yanada chuqurlashtirish, siyosiy-diplomatik, savdo-iqtisodiy, investitsiyaviy, ta’lim, ilm-fan va madaniy-gumanitar sohalardagi aloqalarni kengaytirishga qo‘shayotgan katta hissasi, yurtimizda amalga oshirilayotgan izchil islohotlar va ulkan demokratik o‘zgarishlarni, O‘zbekiston tomonidan ilgari surilayotgan global va mintaqaviy tashabbuslarni faol qo‘llab-quvvatlash, shuningdek, xalqlarimiz orasidagi do‘stlik va hamjihatlik rishtalarini tobora mustahkamlash, uzoq muddatli va keng qamrovli munosabatlarni yangi bosqichga ko‘tarish borasidagi samarali faoliyati uchun mukofotlandi:

 "Do‘stlik" ordeni bilan mukofotlansin:

 1. Fuat Oktay - Turkiya Respublikasi Vitse-Prezidenti

2. Manturov Denis Valentinovich - Rossiya Federasiyasi Hukumati Raisi o‘rinbosari – sanoat va savdo vaziri

3. Xolid Abdulaziz al-Falih - Saudiya Arabistoni Podshohligi Investitsiyalar vaziri

4. Muhammad bin Abdulla al-Gargaviy - Birlashgan Arab Amirliklari Hukumat ishlari bo‘yicha vaziri

5. Lyuk Devin - Yevropa tashqi aloqalar xizmati Sharqiy Yevropa va Markaziy Osiyo bo‘yicha boshqaruvchi direktori o‘rinbosari

6. Van Yanchji - Ipak Yo‘li Jamg‘armasi prezidenti – Direktorlar kengashi ijrochi direktori (Xitoy Xalq Respublikasi)

7. Deniyel Rozenblyum - AQSHning O‘zbekiston Respublikasidagi Favqulodda va Muxtor Elchisi

8. Guliyev Guseyn Rzagulu o‘g‘li - Ozarbayjon Respublikasining O‘zbekiston Respublikasidagi Favqulodda va Muxtor Elchisi

9. Chernikova Alevtina Anatolyevna - Rossiya Federasiyasining «MISiS» milliy texnologik tadqiqotlar universiteti rektori

10. Malishev Vladimir Sergeyevich - Butunrossiya davlat kinematografiya instituti rektori

11. Tregulova Zelfira Ismailovna - Tretyakov Davlat galereyasi Bosh direktori (Rossiya Federasiyasi)

12. Ziyadullayev Nabi Saidkarimovich - Toshkent davlat iqtisodiyot universiteti ilmiy maslahatchisi.