Huawei 1
AQSHga noqonuniy yo‘llar bilan ketgan 119 nafar o‘zbekistonlik Vatanga qaytarildi

AQSHga noqonuniy yo‘llar bilan ketgan 119 nafar o‘zbekistonlik Vatanga qaytarildi. Ma’lum qilinishicha, ularning ko‘pchiligi Meksika orqali Amerikaga o‘tishgan. Bu haqda Uzreport.news manbasi xabar qildi.

Ma’lumotlarga ko‘ra, 2021-yilning oktyabridan 2023-yilning oktyabriga qadar AQSHda chegarani noqonuniy kesib o‘tishga uringan 13 mingdan ortiq O‘zbekiston fuqarosi qo‘lga olingan. 

Uzreport.news jurnalisti bilan suhbatda bo‘lga yurdoshimizni aytishicha, unga aytilgan katta va’dalar sarobga aylangan. U 2-3 yilda topgan pulini 2 oyda ko‘chaga tashlab kelganligini aytmoqda. U Meksikaga qadar 30 kun yo‘l bosgan. Amerikaga o‘tkazib qo‘yish uchun undan 5 ming dollar so‘rashgan.

Yana bir vatandoshimizga ko‘ra, u 4 oy davomida Amerika qamoqxonasida saqlangan, sarflangan xarajatlar miqdori ham oz emas. U AQSHda oshpazlik qilmoqchi bo‘lgan. Noqonuniy yo‘l tanlaganidan pushaymon, oilasi bag‘riga qaytganidan mamnun. 

Boshqa bir fuqaro esa u yerlarda ish topish qiyin ekanligini, hatto 3-4 oylab ishsiz qolib ketayotgan ayollar borligini ma'lum qilgan. Uning ma’lum qilishicha, Amerikada asosan Markaziy Osiyo davlatlari fuqarolari uchun reydlar boshlangan.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga