Bank sirini tashkil etuvchi ma'lumotlar prokuror sanksiyasi bilan kimlarga taqdim qilinishi aytildi
Bank sirini tashkil etuvchi ma'lumotlar prokuror sanksiyasi bilan kimlarga taqdim qilinishi aytildi
“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonun (OʻRQ–697-son, 28.06.2021-y.) Prezident tomonidan imzolandi.
Unga kiritilgan qoʻshimchalarga koʻra, bank sirini tashkil etuvchi maʼlumotlar prokurorning sanksiyasi bilan quyidagilarga taqdim etiladi:
prokuratura, dastlabki tergov va surishtiruv organlariga ularning ish yurituvidagi jinoyat ishlari boʻyicha holatlarni aniqlash, shuningdek yetkazilgan zararni undirishni yoki mol-mulkni xatlashni taʼminlash maqsadida – tergovchining yoxud surishtiruvchining asoslantirilgan qaroriga koʻra;
tezkor-qidiruv faoliyatini amalga oshiruvchi organlarga ularning ish yurituvidagi tezkor-qidiruv ishlari boʻyicha oʻz zimmasiga yuklatilgan vazifalarni bajarish maqsadida – tezkor-qidiruv faoliyatini amalga oshiruvchi organ rahbari tomonidan tasdiqlangan asoslantirilgan qaror asosida.
.png "YouTube UZREPORT TV")
