Bolalarni o‘tkir tig‘li buyumlar bilan urishtirgan bloger javobgarlikka tortildi
Ijtimoiy tarmoqlarda ayol kichik yoshdagi bolalarni o‘zaro urishtirayotgani tasvirlangan videoxabar tarqaldi.
Mazkur holat Bolalar ombudsmani tomonidan o‘rganilib, holatga huquqiy baho berish maqsadida 14-iyul kuni IIVga tegishli so‘rov berildi.
Toshkent shahri, Yakkasaroy tumani IIB tomonidan aniqlanishicha, blogerlik bilan shug‘ullanuvchi ayol A. G. (1993- yilda tug‘ilgan) (Chechenka nomi bilan faoliyat olib boruvchi instabloger) 13-iyul kuni Toshkent viloyatida oilaviy dam olish vaqtida kichik yoshdagi o‘g‘li va jiyanini go‘yoki hazillashib urishtirgan va bu holat tasvirlangan videoni o‘z instagram sahifasiga joylashtirgan.
15-iyul kuni fuqaro G. A. bola manfaatiga zid harakatlari uchun Ma’muriy javobgarlik to‘g‘risidagi kodeksning 47-moddasi (Bolalarni tarbiyalash va ularga ta’lim berish borasidagi majburiyatini bajarmaslik) bilan javobgarlikka tortildi. Hozirda mazkur oila mutasaddilar tomonidan alohida nazoratga olingan.
.png "YouTube UZREPORT TV")
