“Guanjou” klinikasining kirdikorlari fosh bo‘ldi
“Guanjou” klinikasida dori vositalarini qo‘lbola usulda qalbakilashtirish holatlari aniqlandi. Poytaxt IIBB holat bo'yicha jinoyat ishi qo‘zg‘atilganini ma’lum qildi.
Ijtimoiy tarmoqlarda “Guandjo klinikasining sirini fosh qilishibdi” deb nomlangan video tarqalmoqda. Mazkur holat yuzasidan Toshkent shahar IIBB izoh berdi.
Qayd etilishicha, «GUANGZHOU MEDICAL of CHINA» MCHJ mansabdor shaxslari va xodimlariga nisbatan O‘zbekiston Respublikasi Jinoyat kodeksining 186-3-moddasi 2-qismi «b» bandi (“Sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish, shuningdek dori vositalarini yoki tibbiy buyumlarni dorixonalardan va ularning filiallaridan tashqarida realizatsiya qilish”) alomatlari bilan jinoyat ishi qo‘zg‘atilgan.
Jinoyat ishi doirasida mazkur klinikaning Toshkent shahridagi va boshqa viloyatlardagi filiallarida tekshiruv o‘tkazilgan.
Hozirda Toshkent shahar IIBB huzuridagi Tergov boshqarmasi tomonidan tergov harakatlari olib borilmoqda.
.png "YouTube UZREPORT TV")
