Qozog'istonda shosseda muzlab qolgan o'zbekistonliklar qutqarib olindi
Qozog'iston respublikasi Qarag'anda viloyati qutqaruvchilari buzilgan avtobusning 40 dan ortiq yo'lovchilarini evakuasiya qildi, deya xabar bermoqda viloyat Favqulodda vaziyatlar boshqarmasi matbuot xizmati.
9-yanvar kuni avtobus yo'lovchilari bilan Olmaota-Yekaterinburg shossesida Chimkent-Tobolsk yo'nalishi bo'ylab harakatlanayotgan bo'lgan. Avtobusning buzilish sabablari haqida xabar berilmagan.
“Favqulodda vaziyatlar xizmati xodimlari nosoz avtobusdan 41 kishini evakuasiya qildi, shundan 14 nafari O`zbekiston, 27 nafari Qozog'iston fuqarolari”, — deyiladi xabarda.
Qayd etilishicha, yo'lovchilar orasida jabrlanganlar yo'q, ular tibbiy yordamga muhtoj emas.
Favqulodda vaziyatlar vazirligi bo'ron haqida ogohlantirish paytida aholi punktlaridan tashqariga chiqmaslikni tavsiya qildi.
.png "YouTube UZREPORT TV")
