Raqobat qo‘mitasi: Ayrim zapravkalarda metan narxi 4 100 so‘mgacha oshgani aniqlandi
Ayrim avtomobillarga yoqilg‘i quyish shoxobchalarida metan narxi oshgani aniqlandi. Bu haqda Raqobat qo‘mitasi matbuot xizmati xabar berdi.
Qo‘mita tomonidan hududlarda metan gaz narxining asossiz oshirilishi va raqobatga qarshi kelishuvlarning oldini olishga qaratilgan monitoring ishlari olib borilmoqda.
Natijada, 1 metr kub metan gaz narxi ayrim shoxobchalarda 4 100 so‘mgacha ko‘tarilganligi aniqlandi.
Bunga yakuniy iste’molchilarga sotiladigan neft mahsulotlari, AI-80 va AI-91 va undan yuqori benzin, dizel yoqilg‘isi, suyultirilgan va siqilgan gaz uchun aksiz solig‘ining 1-apreldan 10%ga oshirilgani ta’sir qilgan.
Masalan, AI-80 benzini uchun aksiz solig‘i bir litri uchun 476 so‘mdan 525 so‘mga, propan uchun esa tonnasi uchun 904 ming so‘mdan 1 mln so‘mga oshadi.
Hududlardagi ayrim gaz “zapravka"larda narxlar o‘rtacha 5% gacha o‘zgarganligi kuzatilmoqda. Qo‘mita o‘z vakolatlari doirasida narxlarning asossiz oshirilishini oldini olish uchun tizimli monitoring olib borishini qayd etdi.
.png "YouTube UZREPORT TV")
