Huawei 2
Samarqandda 13 yoshli qizni 2 yil davomida zo‘rlab, homilador qilgan erkak 12 yilga qamaldi

Samarqandda maktab o'quvchisini zo‘rlab, homilador qilgan erkakka jazo tayinlandi. Bu haqda UzReport.news'ga Oliy sud matbuot kotibi Aziz Obidov ma'lum qildi.

Aniqlanishicha, 2021-yil noyabr oyida Samarqand shahridagi maktabda tahsil oluvchi 13 yoshli qiz homilador bo‘lib qolgan. Holat yuzasidan olib borilgan tekshiruv davomida qizni u bilan bir uyda birga yashab kelayotgan onasining xonadoshi zo‘rlagani aniqlangan. Zo‘ravonlik qizning 11 yoshidan boshlangan.

Erkakka nisbatan Samarqand shahar sudi tomonidan jazo tayinlangan. Sud hukmi bilan aybdor Jinoyat kodeksining 118-moddasi 4-qismida (O‘n to‘rt yoshga to‘lmaganligi aybdorga ayon bo‘lgan shaxsning nomusiga tegish) nazarda tutilgan jinoyatni sodir etganlikda aybdor deb topilgan.

Jinoyat kodeksining 57-moddasi qo‘llanilgan holda sudlanuvchiga 12 yil muddatga ozodlikdan mahrum qilish jazosi tayinlangan.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga