Toshkentdagi 4 ta tumanning ayrim hududlarida gaz taʼminoti kechgacha to‘xtatiladi
Kuz-qish mavsumiga tayyorgarlik doirasida Uchtepa, Chilonzor, Olmazor va Shayxontohur tumanlarining ayrim hududlariga 4 aprel kuni soat 11:00 dan 18:00 gacha tabiiy gaz yetkazib berish vaqtincha to‘xtatiladi. Bu haqda "Hududgaz Poytaxt" xabar qildi.
Hududlar:
Uchtepa tumani — “Diyorobod” MFYdagi 43 ta ko‘p qavatli uy, 10 ta ulgurji isteʼmolchi.
Chilonzor tumani — “Do‘mbirobod” MFYdagi 778 ta, “Gavhar” MFYdagi 640 ta, “Tirsakobod” MFYdagi 528 ta va «Katta Do‘mbirobod» MFYdagi 864 ta yerli xonadon, 20 ta ulgurji isteʼmolchi.
Olmazor tumani — “Hastimom” MFYdagi 135 ta yerli xonadon, 2 ta ulgurji isteʼmolchi.
Shayxontohur tumani - “Gulbozor” MFYdagi 730 ta yerli xonadon va 54 ta ko‘p qavatli uy, 18 ta ulgurji isteʼmolchi.
Taʼkidlanishicha, taʼmirlash ishlari tugatilgandan so‘ng, tabiiy gaz taʼminoti qayta tiklanadi.
Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.
.png "YouTube UZREPORT TV")
