Netanyaxu Isroilning G‘azodagi amaliyotini AQShning Ikkinchi jahon urushidagi harakatlariga qiyosladi
Isroil bosh vaziri Binyamin Netanyaxu Isroil davlatining G‘azo sektoridagi harakatlarini Amerika armiyasining Ikkinchi jahon urushi davridagi operatsiyalariga qiyosladi.
"Men chizishim mumkin bo'lgan yagona parallel - bu Manila jangi" dedi u Amerikaning Merit Street Media telekanaliga bergan intervyusida. "Amerikaliklar jasorat bilan jang qildilar va yaponlarni mag'lub etdilar, ammo oxir-oqibat 100 ming tinch aholi halok bo'ldi", dedi bosh vazir.
2023-yil 7-oktabr kuni G‘azo sektoridan HAMAS jangarilarining Isroil hududiga kirib kelishi, chegaradagi aholi punktlari aholisining o‘ldirilishi va 240 dan ortiq asirlarning garovga olinishi bilan birga Yaqin Sharqdagi vaziyat keskin yomonlashdi. Bunga javoban Isroil Falastin anklavida HAMASning harbiy va siyosiy tuzilmalarini yo‘q qilish va o‘g‘irlab ketilganlarning hammasini ozod qilish maqsadida operatsiya boshladi.
G'azo Sog'liqni saqlash vazirligi ma'lumotlariga ko'ra, Isroilning harakatlari natijasida 34,5 mingdan ortiq falastinlik halok bo'lgan va 77,7 mingdan ortiq kishi jarohatlangan.
.jpg "X factor uzbekistan")
.png "YouTube UZREPORT TV")
