Qozog‘istonda bir qator temiryo‘l vokzallari, jumladan, Nursulton Nazarboyev nomidagi vokzal nomi ham o‘zgartiriladi

Qozog‘iston poytaxtidagi ikkita temiryo‘l vokzallari avvalgi nomiga qaytadi. Eski vokzalda joylashgan “Nur-Sulton” bekati “Ostona” deb nomlanadi, “Nur-Sulton Nurli yo‘l” yo‘nalishi mos ravishda “Nurli yo‘l”ga aylanadi, deya xabar berdi “Astana TV”.

Qayd etilishicha, tegishli qaror loyihasi Ochiq huquqiy hujjatlar veb-saytida e’lon qilingan. Hujjatga ko‘ra, boshqa bir qator stansiyalar ham yangi nomlarga ega bo‘ladi. Masalan, G‘arbiy Qozog‘iston viloyatining ma’muriy markazi Uralsk shahriga poyezdlar yangi nomlangan Oral stansiyasiga boradi (hozirgidek Uralsk emas). Mangistau viloyatida esa “O‘zen” o‘rniga “Janao‘zen” bekati paydo bo‘ladi.

Hujjatning jamoatchilik muhokamasi 22-yanvarga qadar davom etadi.

Hukumat huzuridagi Respublika onomastika komissiyasi mazkur stansiyalar nomini o‘zgartirish bo‘yicha o‘tgan yilning oktyabr oyida ijobiy xulosa bergan edi.

Nursulton Nazarboyev prezidentlikdan ketganidan so‘ng davlat rahbari vakolatlarini o‘z zimmasiga olgan Qosim-Jomart To‘qayev birinchi prezident nomini poytaxt nomiga abadiylashtirishni taklif qildi. Tegishli farmon 23-mart kuni imzolangan. Nom o‘zgartirilgandan so‘ng darhol bir guruh fuqarolar ushbu qarorga qarshi ruxsatsiz norozilik namoyishlarida qatnashdi. 

2022-yil yanvardagi tartibsizliklardan so‘ng shahar nomini o‘zgartirish to‘g‘risida petitsiya tuzildi, unga 229 mingdan ortiq imzo to‘plandi. Natijada Qozog‘iston poytaxti 2022-yilning kuzida yana Ostonaga aylanadi.