Si Szinpin Olimpiya o‘yinlari paytida o‘t ochishni to‘xtatishga chaqirdi
Xitoy rahbari Si Szinpin global “Olimpiya sulhi”ga erishishga chaqirdi. Xitoy rahbari o‘z pozitsiyasini Parijda fransuz hamkasbi Emmanuel Makron bilan o‘tkazgan matbuot anjumanida bildirdi. Bu haqda Reuters xabar berdi.
“Dunyo tinch emas va Birlashgan Millatlar Tashkiloti Xavfsizlik kengashi aʼzosi sifatida Xitoy Fransiya bilan birgalikda Parijdagi Olimpiya o‘yinlari munosabati bilan butun dunyo bo‘ylab sulh tuzishga chaqiradi”, — dedi Si Szinpin.
Fransiya prezidenti sulh g‘oyasini qo‘llab-quvvatlagani uchun Xitoy raisiga minnatdorlik bildirdi.
“Barcha harbiy harakatlardagi teatrlarda Olimpiya sulhi xalqaro huquqqa to‘liq mos keladigan uzoq muddatli kelishuvga erishish uchun imkoniyat bo‘lishi mumkin”, — dedi u.
Makron ilk bor mart oyida “Olimpiya sulhi”ga erishish rejalarini e’lon qilgandi. O‘shanda u faqat Ukrainada o‘t ochishni to‘xtatish haqida gapirgan. Aprel oyida Fransiya prezidenti G‘azo sektorida sulhga erishish uchun ham harakat qilayotganini aytdi.
Rossiya rasmiylari hozircha tegishli taklifga munosabat bildirmagan. Prezident Vladimir Putin “har qanday masalalarni Rossiya manfaatlaridan va jangovar aloqa zonasidagi vaziyatdan kelib chiqib” ko‘rishga va’da bergan. Kreml matbuot kotibi Dmitriy Peskov Ukraina sulhdan “qayta harbiylar to‘plash, qayta qurollanish va shu kabilar” uchun foydalanishi mumkinligini aytgan.
.jpg "X factor uzbekistan")
.png "YouTube UZREPORT TV")
