Turkiyada 7,8 magnitudali zilzila yuz berdi
Bugun, 6-fevral kuni Turkiya janubidagi 1 milliondan ortiq aholi istiqomat qiladigan Gaziantep shahri yaqinida 7,8 magnitudali zilzila yuz berdi.
Yevropa-O'rtayer dengizi seysmologiya markazi ma’lumotlariga ko‘ra, zilzila epitsentri aholi punktidan 37 km uzoqlikda, 10 km chuqurlikda bo'lgan. Shundan so'ng birgina Turkiyaning o'zida 42 marta qayta yer silkinishi sodir bo'lgan, shundan 6 tasining kuchi 6 magnitudan yuqori bo'lgan.
Xabarga ko'ra, zilzila O'zbekiston vaqti bilan 06:17 da sodir bo'lgan.
Zilzila oqibatida Turkiya va Suriyaning bir qancha shaharlarida ko'p qavatli uylar qulagan, odamlar vayronalar ostida qolgan, qurbonlar ham borligi ma'lum qilindi.
Shuningdek, zilzila oqibatida quyidagi viloyatlar zarar ko'rgan:
- Usmoniya viloyatida kamida besh kishi halok bo'lgan, 34 ta bino qulab tushgan;
- Shanliurfa viloyatida kamida 16 ta uy qulagan, 12 kishi halok bo'lgan;
- Diyarbakir viloyatida sakkiz qavatli bino qulab tushgan;
- Adana shahrida 17 qavatli bino qulab tushgan.
Bundan tashqari, zilzila oqibatida Suriyaning Xama shahridagi sakkiz qavatli bino qulab tushgan. Ayni damda vayrongarchilik yuz bergan joylarda qidiruv-qutqaruv ishlari olib borilmoqda. Zilzila oqibatida Turkiyadagi o'zbekistonliklar jabrlangani haqida hozircha xabar berilmadi.
.jpg "X factor uzbekistan")
.png "YouTube UZREPORT TV")
