David de Xea “Manchester Yunayted” safida afsonaviy Piter Shmeyxelning rekordini takrorladi
Keyingi bahs “Barselona”ga qarshi o‘tkaziladi
Angliyaning “Manchester Yunayted” klubi darvozaboni David de Xea klub safida “quruq oʻyin”lar soni boʻyicha Peter Shmeyxelning rekordini takrorladi.
“Manchester Yunayted” APLning 23-turida “Lids”ni 2:0 hisobida magʻlub etdi. De Xea esa “mankunianlar” safida barcha musobaqalar doirasida 178-bor darvozasi daxlsizligini saqlab qoldi. Ispaniyalik 32 yoshli posbon bu borada daniyalik afsonaga yetib oldi.
16-fevral kuni MYU Yevropa Ligasi 1/16 finalida “Barselona” bilan mehmonda oʻynaydi. Agar David boʻlajak bahsda ham toʻp oʻtkazmasa, rekordni yangilaydi.
Shuningdek, “Lids”ga qarshi bellashuv De Xea uchun Premyer-ligadagi 400-oʻyin boʻldi va u bu koʻrsatkichga erishgan eng yosh darvozabonga aylandi. Shuningdek, u bu natijaga erishgan angliyalik bo‘lmagan futbolchilar orasida birinchisi bo‘ldi.
.png "YouTube UZREPORT TV")
