5-iyun kuni O‘zbekistonda sodir bo‘lgan muhim voqealar dayjesti

Toshkentda 122 ta masjidda Qurbon hayiti namozi o‘qiladi

Hayit namozi o‘qiladigan masjid atrofidagi ko‘chalar va yo‘llarda avtotransport vositalarining harakati vaqtincha to‘xtatiladi.

Qozog‘istonda o‘zbekistonliklar ketayotgan avtobusda yong‘in chiqdi

FVV xodimlari avtobusda bo‘lgan barcha yo‘lovchilarni xavfsiz tarzda evakuatsiya qilgan va yo‘l chetidagi oromgohga olib borib, u yerda ularga kerakli yordam ko‘rsatgan.

To‘rt viloyatda noqonuniy yer sotuvchilar ushlandi

O‘zbekistonning turli hududlarida yer maydonlarini jami 500 ming AQSh dollaridan ortiq mablag‘ga noqonuniy sotmoqchi bo‘lgan shaxslar ushlandi.

2025−2026-o‘quv yili uchun OTMlarga hujjat topshirish boshlandi

Abituriyentlar my.uzbmb.uz sayti orqali ro‘yxatdan o‘tishlari mumkin.

Qurbon Hayiti bayrami kuni Toshkent metrosi maʼlum vaqt bepul bo‘ladi

Qurbon Hayiti bayrami kunida barcha yo‘lovchilar uchun Toshkent metropoliteni soat 03:00 dan 10:00 ga qadar yo‘lovchilarga bepul xizmat ko‘rsatadi.

“Kilosini 20 ming so‘mdan sotardim” – eshak go‘shti sotib kelgan yigit jinoiy jazoga tortildi

Toshkent viloyatida eshak so‘yib sotgan yigit va ushbu go‘shtni xarid qilganlar jinoiy jazoga tortildi.

“Tarmoqdan foydalanib, xarajatlarini to‘lamayapti” — O‘zbektelekom Humans da’vosiga javob berdi

Kompaniya Humans virtual operatori “boshqa mobil operatorlardan farqli ravishda” o‘z tarmog‘ini yaratishga sarmoya kiritmagani, shu sababli mobil aloqa xizmatlarini ko‘rsatish uchun 2020-yildan buyon shartnoma asosida O‘zbektelekom mobil tarmog‘idan foydalanib kelishini qayd etdi.

O‘zbekiston davlat budjeti daromadlarining o‘sishi tezlashdi

Birinchi chorakda O‘zbekiston davlat budjeti daromadlari 21,5 foizga o‘sdi — o‘sish sur’ati o‘tgan yilga nisbatan qariyb ikki baravar yuqori.

Toshkentda yo‘l o‘rtasida rasmga tushgan talabalarga chora ko‘rildi

Avvalroq, bir guruh talabalar “vinyetka” uchun piyodalar yo‘lakchasida rasmga tushgan edi.

O‘zbekiston Afg‘onistonga 183 tonna insonparvarlik yordami jo‘natdi

O‘zbekiston xalqining bag‘rikenglik va qo‘llab-quvvatlash ramzi sifatida Qurbon hayiti bayrami munosabati bilan Afg‘oniston aholisiga 183 tonna oziq-ovqat mahsuloti ortilgan navbatdagi insonparvarlik yordami Balx viloyatiga yetkazildi.

O‘zbekistonliklar Italiyaga ishga jalb qilinadi

Italiya O‘zbekistondagi malakali mutaxassislarga alohida kvota ajratadi.

O‘zbekistonda Qurbon hayiti kuni aholi xavfsizligi ta’minlanadi

Hayit namozi o‘qiladigan masjidlarda jamoat tartibini saqlash hamda fuqarolar xavfsizligini taʼminlashga 17 mingdan ortiq ichki ishlar organlari, mingdan ziyod Milliy gvardiya va 2 mingdan ortiq Favqulodda vaziyatlar vazirligining xodimlari va harbiy xizmatchilari jalb etilgan.

Ichki ishlar mansabdori niqobi ostidagi advokat va uning sherigi qo‘lga olindi

Ularga nisbatan Jinoyat Kodeksining 168 va 28,211-moddalari bilan jinoyat ishi qo‘zg‘atildi hamda qamoq ehtiyot chorasi qo‘llanildi.

"IndiGo" aviakompaniyasi Mumbaydan Toshkentga to‘g‘ridan-to‘g‘ri reyslarni yo‘lga qo‘ymoqda

Hindistonning loukoster aviakompaniyasi Toshkentga ikkinchi yo‘nalishni ochmoqda. 2025-yil 1-avgustdan aviatashuvchi Mumbay-Toshkent-Mumbay yo‘nalishi bo‘yicha muntazam qatnovlarni amalga oshirishni boshlaydi.

O'zbekistonda belgilangan hududlar 40 tonnadan ortiq chiqindidan tozalandi

Ekologiya, atrof-muhitni muhofaza qilish va iqlim o‘zgarishi vazirligi, hududiy boshqarmalar va tizim tashkilotlari tomonidan “Chiqindisiz tabiat” shiori ostida respublika bo‘ylab ekoturizm maskanlarida “Plogging tour” eko-harakati va “Piknik madaniyati” aksiyalari o‘tkazildi.

O‘zbekistondagi NNTlarga xorijga chiqish haqida Adliyaga xabar berish majburiyati yuklandi

Avgust oyidan boshlab O‘zbekistonda faoliyat yuritayotgan nodavlat notijorat tashkilotlari (NNT) o‘z xodimlarining xorijiy safarlari haqida Adliya vazirligini xabardor qilishi kerak bo‘ladi.

OTB Qambarota GES-1ga $150 mlngacha mablag‘ ajratishni rejalashtirmoqda

Osiyo taraqqiyot banki (OTB) Qirg‘izistondagi Qambarota GES-1 qurilishining birinchi bosqichiga $150 mlngacha ajratishni ko‘rib chiqadi.