FIFA milliy jamoalarning yangilangan reytingini eʼlon qildi
O‘zbekiston milliy terma jamoasi mart oyi yakuniga ko‘ra FIFA reytingida 57-o‘ringa chiqib oldi. Bu haqda FIFA rasmiy sayti xabar berdi.
Manbaga ko‘ra, O‘zbekiston milliy terma jamoasi fevral oyiidagi reytingga qaraganda bir pog‘ona yuqorilab, 1437.02 ochko bilan 57-o‘rinni band etdi.
FIFA reytingida 1867.16 ochko jamg‘arib, Argentina terma jamoasi yetakchilik qilmoqda. Fevral oyida 3-o‘rinni qayd etgan Ispaniya bu safar 1854.64 ochko jamg‘arib, 2-o‘rinni band etdi. Fransiya esa bir pog‘ona pastlab, 3-o‘ringa joylashdi. To‘rtinchi pog‘onada Angliya, beshinchi o‘rinda esa Braziliya bormoqda.
Osiyo jamoalari orasida esa eng yuqori natija Yaponiyaga tegishli. Yaponlar mart oyidagi reytingga ko‘ra, 15-o‘rinni band etdi. Eron 18, Janubiy Koreya 23, Avstraliya 26, Qatar 55-o‘rinda qayd etilgan.
Ma’lumot o‘rnida, O‘zbekiston milliy terma jamoasi mart oyida 2026 yilda bo‘lib o‘tadigan Jahon chempionati Osiyo mintaqasi 3-saralash bosqichi doirasida Qirg‘izistonni mag‘lub etdi va Eronga qarshi o‘yinda durang qayd etdi.
.png "YouTube UZREPORT TV")
