Huawei 1
“Tottenhem” yarim himoyachisi jiddiy jarohat tufayli kamida 6 oy maydonga tusha olmasligi mumkin

Angliyaning “Tottenhem” klubi yarim himoyachisi Rodrigo Bentankur jarohati sabab 6 oyni oʻtkazib yuborishi mumkin.

“Shporlar”ning 25 yoshli yarim himoyachisi APL 23-turidan oʻrin olgan “Lester”ga qarshi oʻyinda (1:4) tizzasidan jarohat olib, 65-daqiqada almashtirildi.

“Sky Sports” nashri xabariga koʻra, Bentankur xochsimon bogʻlamidan jarohatlangan boʻlishi mumkin. Agar bu tasdiqlansa, tiklanish kamida 6-8 oy davom etadi.

Maʼlumot uchun, urugvaylik futbolchi bu mavsumda APLda 18 ta oʻyinda maydonga tushib, 5 ta gol va 2 ta golli uzatmani oʻz hisobiga yozdirib qoʻygan.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 60602 | Инструменты