Xorazm Ekologiya boshqarmasi xodimlari o‘rdak ovlagani ma'lum bo'ldi
Holat yuzasidan xizmat tekshiruvi tayinlanib, tegishli o‘rganish ishlari olib borilmoqda
Xorazm viloyati Ekologiya boshqarmasi xodimlari o‘rdak ovlagani haqida xabar tarqaldi. Davlat Ekologiya boshqarmasi holat yuzasidan ma’lumot berdi.
“Kompromatuzb” “Telegram” kanalining yozishicha, suratda o‘rtada ekoboshqarma boshlig‘ining 1-o‘rinbosari Jamoliddin Sobirov. Ikki chetda esa tuman boshliqlari Navro‘z Allaberganov va Izzat Qo‘chqorov tasvirlangan. Shuningdek, qonunchilikka binoan Xorazmda hozirgi kunda oʻrdak ovlash taʼqiqlangani ham eslatib o'tilgan.
“Ekoqo‘mita” xabariga ko‘ra, xodimlarning ov jarayonida aks etgan suratlari yuzasidan xizmat tekshiruvi tayinlanib, tegishli o‘rganish ishlari olib borilmoqda.
Xizmat tekshiruvi natijasi bo‘yicha Tabiat resurslari vazirligi tomonidan qonun doirasida tegishli choralar ko‘rilishi ma’lum qilingan.
.png "YouTube UZREPORT TV")
