Nukusda birinchi Orol madaniyat sammiti o‘z ishini boshladi
Bugun Nukusda har 18 oyda bir marta o‘tkazilishi rejalashtirilgan birinchi Orol madaniyat sammiti oʻz ishini boshladi. Bu haqda Prezident yordamchisi Saida Mirziyoyeva xavar berdi.
"Bu mamlakatimiz va ayniqsa Qoraqalpog‘iston uchun ulkan ahamiyatga ega voqeadir.
Biz ko‘p yillardan buyon turli darajadagi tadbirlar va minbarlardan turib Orolbo‘yi mintaqasini rivojlantirish — birgalikdagi sa’y-harakatlar bilan hal etilishi zarur bo‘lgan umumjahon vazifa ekani haqida tinimsiz gapirib kelmoqdamiz.
Bu hududning betakror madaniyati va o‘ziga xosligini saqlab qolish, ushbu murakkab sharoitda yashayotgan hamyurtlarimizning munosib kelajagini ta’minlash uchun mintaqaga diqqat-e’tiborni jalb etish lozim.
O‘zbekiston va Qoraqalpog‘iston barcha ijodkorlarni: butun dunyo rassomlari, olimlari, ekspertlari va faollarini birlashtiradi", deya yozgan Saida Mirziyoyeva.
.png "YouTube UZREPORT TV")
