Huawei 1
Saida Mirziyoyeva BMT Taraqqiyot dasturining Yevropa va MDH bo‘yicha mintaqaviy byurosi direktori bilan uchrashuv o‘tkazdi

Saida Mirziyoyeva BMT Taraqqiyot dasturining Yevropa va MDH bo‘yicha mintaqaviy byurosi direktori bilan uchrashuv o‘tkazdi. 

"Bugun BMT Bosh kotibi yordamchisi, BMT Taraqqiyot dasturining Yevropa va MDH bo‘yicha mintaqaviy byurosi direktori Ivana Jivkovich bilan samarali uchrashuv o‘tkazdik. Muloqot davomida Oʻzbekiston va BMT TD oʻrtasidagi hamkorlikni kengaytirish istiqbollarini muhokama qildik, xususan, Qoraqalpogʻiston va Orolboʻyi mintaqasini barqaror rivojlantirishga alohida eʼtibor qaratdik.

Yoshlar, sog‘liqni saqlash, madaniyat va barqaror turizmni taraqqiy ettirish bilan bog‘liq masalalar — ijobiy va uzoq muddatli o‘zgarishlar uchun asos yaratishi mumkin bo‘lgan muhim yo‘nalishlar yuzasidan batafsil fikr almashdik. Biz jamoatchilikni, ayniqsa, yosh avlodni ularning g‘ayrati, ijodkorligi va yangiliklarga intilishidan kelib chiqib, taraqqiyot jarayoniga jalb etishga intilamiz.

Qarashlarimiz BMT TD maqsadlariga to‘g‘ri kelishidan, hamohang ekanidan xursandman, birgalikdagi sa’y-harakatlarimiz orqali g‘oyalarni joylarda odamlarga sezilarli foyda keltiradigan real loyihalarga aylantirishimiz mumkinligiga ishonaman", deya yozgan Prezident yordamchisi. 

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 40613 | Инструменты