Toshkentda Gretsiya elchixonasi ochildi

Tashqi ishlar vaziri Baxtiyor Saidov Gretsiyaning O‘zbekistondagi elchisi Paraskevi Tzevelekning ishonch yorliqlari nusxalarini qabul qildi. Bu haqda u o‘zining Telegram kanalida maʼlum qildi.

«Gretsiya elchixonasining ochilishini olqishlaymiz va bu qadam mamlakatlarimiz o‘rtasidagi hamkorlikni yana-da jadallashtirishga xizmat qiladi, deb ishonamiz», — deb yozadi vazir.

Uchrashuvda tomonlar siyosiy muloqotni mustahkamlash, savdo-iqtisodiy aloqalarni rivojlantirish, madaniy va taʼlim sohalarida hamkorliklarni kengaytirishni muhokama qildi.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 41712 | Инструменты