14-aprel kuni O‘zbekistonda sodir bo‘lgan muhim voqealar dayjesti

O'zbekiston agrotexnik amaliyotlarni tizimli yo‘lga qo‘yishda Afg'onistonga yordam berishga tayyorligini bildirdi

O‘zbekiston Qishloq xo‘jaligi vaziri Ibrohim Abdurahmonov Afg‘onistonning Qishloq xo‘jaligi, irigatsiya va chorvachilik vaziri Otaulloh Umariy boshchiligidagi rasmiy delegatsiya vakillari bilan uchrashuv o‘tkazdi.

5 grammlik oltin quyma narxi ilk bor 6,9 mln so‘mdan oshdi

14-aprel kuni o‘lchovli oltin quymalarning narxi yangi rekord ko‘rsatkichga yetdi. Bu haqda Markaziy bank xabar berdi.

Abdulaziz Kamilov «Italiya oldidagi xizmatlari uchun» ordeni bilan taqdirlandi

O‘zbekiston prezidentining tashqi siyosat masalalari bo‘yicha maxsus vakili Abdulaziz Kamilov «Italiya Respublikasi oldidagi xizmatlari uchun» (Ordine al Merito della Repubblica Italiana) ordenining “Ofitser” darajasi bilan mukofotlandi.

Toshkentda yuk mashinasi piyodani urib yubordi

Poytaxtda yuk mashinasi yo’lning belgilanmagan qismidan kesib o’tayotgan piyodani urib yubordi. Oqibatda piyoda olgan tan jarohatlari tufayli voqea joyida vafot etgan.

O‘zbekistonda 442,4 mingta korxona va tashkilotlar faoliyat yuritmoqda

Hududlar bo‘yicha eng ko‘p faoliyat ko‘rsatayotgan korxona va tashkilotlar Toshkent shahrida – 22,6 foiz, Toshkent – 9,6 foiz, Samarqand – 8,8 foiz, Farg‘ona – 8,1 foiz va Qashqadaryo viloyatida – 6,5 foiz faoliyat ko‘rsatmoqda.

Oʻzbekiston Maktabgacha va maktab taʼlimi vazirligi va Islom taraqqiyot banki oʻrtasida 40 mln dollarlik grant shartnomasi imzolandi

O'zbekiston Maktabgacha va maktab ta'limi vazirligi vakillari Saudiya Arabistonining Ar-Riyod shahrida “Human Capability Initiative 2025” xalqaro forumida ishtirok etdi. Uchrashuv natijasida Global Partnership for Education (GPE) tomonidan taʼlim sohasiga grant shartnomasi imzolandi.