2025-yilda 7 ming nafar yoshlarning xalqaro imtihon xarajatlari qoplab berilishi mumkin
O‘zbekistonda yoshlarni chet tiliga o‘qitish tizimini takomillashtirish rejalashtirilmoqda. Bu haqda 2025-yilga mo‘ljallangan davlat dasturi loyihasida keltirilgan.
Buning uchun 2025-yilning fevralidan boshlab “Ibrat farzandlari” loyihasini rivojlantirish va uning doirasida “Ibrat academy” mobil ilovasini yaxshilab borish taklif etilmoqda. “Ibrat — tillar oromgohi” hamda “Xorijiy tillar marafoni"lari o‘tkaziladi.
Shu bilan birga, chet tillarini o‘qitishga ixtisoslashgan xususiy o‘quv markazlari bilan hamkorlikni rivojlantirish choralari ko‘riladi.
Xalqaro imtihon tizimlari bo‘yicha yuqori ball (daraja) to‘plagan 7 ming nafar yoshlarning esa imtihon topshirish xarajatlarini to‘liq qoplab berish belgilanmoqda.
Yoshlar texnika va texnologiyalardan foydalanishlari uchun ularning 8 ming nafarini zamonaviy kasblarga o‘qitish taklif etilmoqda.
2025-yilning fevralidan hududlarda zamonaviy texnologiyalar bilan jihozlangan o‘quv markazlarini ochish hamda malakali o‘qituvchilar bilan ta’minlash choralarini ko‘rish belgilanmoqda. Bu yoshlarni chet tillariga qiziqishlarini oshirishga qaratilgan.
.jpg "X factor uzbekistan")
.png "YouTube UZREPORT TV")
