30 ta zamonaviy avtobuslar Namanganda yo‘nalishlarga chiqariladi
Avval xabar berilganidek, Navro‘z bayrami arafasida Namangan shahriga xorijdan 30 ta zamonaviy avtobuslar olib kelingan edi.
Ushbu yangi avtobuslar 7-aprel kunidan shahar ko‘chalarida harakatlana boshlaydi. Shu munosabat bilan bugun bo‘lib o‘tgan tantanali taqdimot marosimida viloyat jamoatchiligi: nuroniylar, soha faxriylari va xodimlari ishtirok etdi.
Namangan viloyati hokimi Shavkatjon Abdurazzoqov tabrik so‘zida viloyat markazida yo‘lovchi tashish tizimini takomillashtirish borasida amalga oshirilayotgan ishlarga alohida to‘xtalib, bu kabi loyihalar davom ettirilishini ta’kidladi.
Shundan so‘ng ramziy lenta qirqilib, jamoatchilik vakillari yangi avtobus qulayliklari bilan tanishdilar.
Eslatib o‘tamiz, ushbu avtobuslar 5-sonli Chorsu – Proktologiya shifoxonasi, 6-sonli Chorsu – Mashad hamda 7-sonli Oromgoh – Chorsu yo‘nalishlarida harakatlanadi.
.png "YouTube UZREPORT TV")
