Baxtiyor Xursanov “Surxon Dori-Darmon” MChJ direktori etib tayinlandi
“Dori-Darmon” aksiyadorlik kompaniyasi boshqaruvi raisining buyrug‘i bilan Baxtiyor Xursanov viloyat “Surxon Dori-Darmon” mas’uliyati cheklangan jamiyati direktori lavozimiga tayinlandi.
Tayinlovga qadar u Surxondaryo viloyati sportni rivojlantirish bosh boshqarmasi boshlig‘i o‘rinbosari lavozimida faoliyat yuritayotgandi.
Baxtiyor Xursanov 1969-yil Termiz tumanida tug‘ilgan. 1992-yil Toshkent davlat agrar universiteti, 2004-yil Toshkent davlat iqtisodiyot universitetini tamomlagan. Ma’lumoti bo‘yicha mutaxassisligi – iqtisodchi, moliyachi.
Mehnat faoliyati davomida viloyat moliya boshqarmasi boshlig‘i, Angor tumani hokimi, viloyat sog‘liqni saqlash boshqarmasi boshlig‘i o‘rinbosari, viloyat Bandlik bosh boshqarmasi boshlig‘i, viloyat hokimligi Moliya bosh boshqarmasi boshlig‘i lavozimlarida ishlagan.
.png "YouTube UZREPORT TV")
