Bugun O‘zbekiston U-17 jamoasi Jahon chempionatida Irlandiyaga qarshi maydonga tushadi
Bugun, 8-noyabr kuni O‘zbekiston U-17 terma jamoasi Qatarda o‘tayotgan Jahon chempionatining 2-tur uchrashuvida Irlandiya yoshlar jamoasiga qarshi bahs olib boradi. Uchrashuv Toshkent vaqti bilan soat 20:45 da boshlanadi.
Islom Ismoilov boshchiligidagi O‘zbekiston U-17 terma jamoasi bugun Qatarda davom etayotgan FIFA U-17 Jahon chempionati doirasida o‘zining ikkinchi uchrashuvini o‘tkazadi. Raqib 1-turda Panamani yirik 4:1 hisobida mag‘lub etgan Irlandiya terma jamoasi bo‘ladi.
O‘zbekiston yoshlar terma jamoasi esa dastlabki bahsda Paragvayni 2:1 hisobida mag‘lub etgan edi. Ushbu g‘alabada Azizbek Abdumuminov dubl qayd etdi va jamoasiga muhim uch ochko keltirdi.
Shu tariqa “J” guruhi doirasidagi bugungi uchrashuv ikki g‘alabali jamoa — O‘zbekiston va Irlandiya o‘rtasida peshqadamlik uchun kurash sifatida kechadi.
Musobaqa reglamentiga ko‘ra, U-17 Jahon chempionatining 12 ta guruhida 1- va 2-o‘rinlarni egallagan jamoalar to‘g‘ridan to‘g‘ri keyingi bosqichga yo‘l oladi.
.png "YouTube UZREPORT TV")
