1 avgust kuni Respublikamizning 59 oliy ta’lim muassasalari va ularning 12 ta filialida qabul test sinovlari bo‘lib o‘tdi. Joriy yilda oliy ta’lim muassasalariga 729 950 nafar abituriyent hujjat topshirgan bo‘lsa, shulardan 7 725 nafari harbiy imtiyozga ega abituriyentlardir.
O‘rtacha tanlov esa 1 o‘ringa 11,0 tani tashkil etdi.
Test sinovlarini o‘tkazish maqsadida 744 ming 271 dona individual test savollari komplekti tayyorlandi. Test sinovlari 1 080 ta binoda joylashgan 21 ta maxsus auditoriyada o‘tkazildi.
Shu kuni jamoatchilik xavfsizligini ta’minlash uchun 17 317 nafar ichki ishlar xodimlari, 1 848 ta avtotransport vositalari, jumladan, 84 ta yong‘inga qarshi ekipaj, 362 dona tez tibbiy yordam avtomashinalari jalb etildi.
Test sinovlarida 11 698 nafar abituriyent qatnashmadi, 2 764 nafari esa test sinovi tartibini buzganligi sababli jarayondan chetlashtirildi. Test sinovlari jarayonida qoidabuzarlik holatlari qayd etilmadi.
2 avgust kuni test materiallarini qayta ishlash boshlanadi va jarayon 17 avgustda yakuniga yetadi. Ta’kidlash joizki, 2016 yilda test sinovlarining javoblari 20 avgust kuni e’lon qilingan edi.