Farg‘onada KOICA tomonidan Koreya-O‘zbekiston kasb-hunar ta’limi markazi ochildi

Bugun, 1-iyun kuni Koreya-O‘zbekiston Farg‘ona kasb-hunar ta’limi markazining ochilish marosimi bo‘lib o‘tdi. Unda Bandlik va mehnat munosabatlari vazirligi vazir o’rinbosari Muhitdinov Erkin Madorbekovich, Farg‘ona viloyati hokimi Xayrullo Xayitbayevich Bozorov, Koreya Respublikasining O‘zbekiston Respublikasidagi elchixonasi elchisi Kim Xi Sang, KOICAning mamlakatimizdagi direktori Sunjin Park ishtirok etdilar.

Koreyaning O‘zbekistondagi elchixonasi elchisi Kim Xi Sang Farg‘ona kasb-hunar ta’limi markazi ochilishi bilan tabrikladi. Farg‘onadagi kasb-hunar ta'lim markazi nafaqat Farg‘ona viloyati, balki Andijon va Namangan viloyatlarida ham yuksak saviyali texnik kasb egalarini tayyorlash markazi sifatida iqtisodiyot rivojiga hissa qo‘shishiga tilakdosh boilib qoldilar.

Ochilish marosimidan soʻng Fargʻona viloyatidagi korxonalar bilan sanoat-taʼlim hamkorligini rivojlantirish maqsadida uchrashuv oʻtkazildi. Shuningdek, Bandlik va mehnat munosabatlari vazirligi huzuridagi kasb-hunar ta'lim markazi o‘qituvchilari texnik o‘quv dasturiga taklif etildi.

“Fargʻona kasb-hunar ta`lim markazini tashkil etish loyihasi (2018-2022-yillar/9,32 million dollar)” doirasida KOICA amaliyot binosi, maʼmuriy bino va yotoqxonadan iborat 5313 m² oʻquv markazi qurdi va oʻquv asbob-uskunalari bilan taʼminladi. Bundan tashqari, loyiha boshqaruvi tashkiloti boʻlgan KSP (Koreya savdo palatasi) ning koreyalik kasb-hunar taʼlimi  mutaxassislari, Bandlik va mehnat munosabatlari vazirligining mahalliy mutasaddilari va mahalliy oʻqituvchilar bilan hamkorlikda 5 ta fan bo'yicha (elektr energetika, IT, avtomobillarga texnik xizmat ko'rsatish, kosmetologiya va liboslar ishlab chiqarish) qoʻllanma, oʻquv dasturi va oʻquv materiallarini ishlab chiqdilar.

Ushbu loyiha orqali o‘z malakasini oshirgan mahalliy o‘qituvchilar O‘zbekiston hukumatining o’rta muddatli ta’lim dasturini 5 sinfda amalga oshiradilar. Talabalar jami 8 oylik, jumladan, 6 oy nazariy amaliy mashg‘ulotlar va 2 oy sanoat sohasida amaliy mashg‘ulotlar o‘tkazish orqali mahalliy sanoat talab qiladigan texnik kadrlar bo‘lib yetishishi mumkin. Asosiy kurslardan tashqari, bozor va sanoat talabidan hamda hamkorlik asosidagi qisqa va oʻrta muddatli kurslarni qoʻshimcha ravishda tashkil etish orqali Fargʻona shahrida texnik kadrlar tayyorlash boʻyicha markazga aylanishi kutilmoqda.

Farg‘ona kasb-hunar ta’limi markazi Koreya granti asosida O‘zbekistonda KOICA tomonidan ochilgan 4-kasb-hunar ta’limi markazidir. Toshkent kasb-hunar ta'limi markazi O'zbekistonda 6 oylik o'quv dasturini amalga oshira boshlagan birinchi kasb-hunar ta'limi hisoblanadi. Samarqand kasb-hunar ta’limi markazi sanoat-akademik hamkorlikni, o‘rta muddatli kadrlar tayyorlash tizimini va startap dasturini rag‘batlantirish orqali barqaror bandlik va startap modelini ishlab chiqdi. Shahrishabz kasb-hunar ta’limi markazi loyihasi nostandart kasb-hunar ta’limi qonunchiligi va milliy malaka standartlari tizimi bo‘yicha maslahatlar olib, amalga oshirildi.

KOICA Oʻzbekiston gʻarbiy viloyati Xorazm shahrida 5-kasb-hunar taʼlimi markazini tashkil etishga koʻmaklashmoqda. Kasb-hunarga o‘qitish markazi qurilishi bilan bir qatorda Toshkent shahrida o‘qituvchilar malakasini oshirish markazi tashkil etiladi va O‘zbekistonda kasbiy malaka standarti tizimini yo‘lga qo‘yish kabi kasb-hunar ta’limi sohasida tizim takomillashtiriladi.

Ma'lumot uchun, Koreya xalqaro hamkorlik agentligi (KOICA) 1991-yilda davlat organi sifatida tashkil etilgan boʻlib, Koreya Respublikasi hukumatining grant yordam dasturlarini taqdim etishga bagʻishlangan. KOICA qashshoqlikka qarshi kurashish va hamkor mamlakatlarning barqaror ijtimoiy-iqtisodiy o‘sishini qo‘llab-quvvatlashga intiladi. Qo'shimcha ma'lumot uchun http://koica.go.kr