Istanbul-Toshkent yo‘nalishida uchayotgan samolyotda chaqaloq dunyoga keldi
Bugun, 19-iyul kuni, Uzbekistan Airways aviakompaniyasining HY282 reysida, Istanbul — Toshkent yo‘nalishi bo‘yicha parvoz vaqtida, chinakamiga noyob voqea yuz berdi — osmon uzra chaqaloq tug‘ildi.
Parvoz davomida yo‘lovchilardan birida muddatidan oldingi tug‘ruq boshlandi. Yaxshiyamki, bortda ikki nafar shifokor bor edi, ular ekipaj bilan hamkorlikda zarur tibbiy yordamni tezkorlik bilan ko‘rsatdilar.
Bortkuzatuvchilar professional, jips va aniq harakat qildilar, o‘zlarining asosiy vazifasi — har qanday vaziyatda yoningizda bo‘lish va yordam berishga tayyorlikni to‘liq oqladilar. Ularning ishonchi, xotirjamligi va g‘amxo‘rligi ushbu mas’uliyatli paytda hal qiluvchi rol o‘ynadi.
Ekipaj komandiri qarori bilan samolyot Urganch aeroportiga favqulodda qo‘ndi, u yerda ona va yangi tug‘ilgan o‘g‘il bolani shifokorlar kutib olishdi. Oila tezkor tarzda mahalliy klinikaga yetkazildi.
.png "YouTube UZREPORT TV")
