Jomboyda maktab o‘quvchilari sinfxonalarni ta’mirlayotgani aks etgan rasmlar bo'yicha Samarqand xalq ta’limi boshqarmasi munosabat bildirdi
Jomboyda maktab o‘quvchilari sinfxonalarni ta’mirlayotgani aks etgan rasmlar tarqaldi. Holatga Samarqand xalq ta’limi boshqarmasi munosabat bildirdi
Internetda Samarqand viloyati Jomboy tumanidagi maktablardan birining sinfxonalarini o‘quvchi yigit-qizlar ta’mirlayotgani aks etgan rasmlar tarqaldi. Holat bo'yicha Samarqand xalq ta’limi boshqarmasi munosabatbildirdi.
Jomboy tumanidagi 28-maktab o‘quvchilari maktabda olib borilayotgan ta’mirlash ishlariga jalb etilganligi bo‘yicha murojaat e’lon qilindi.
Holat bo'yicha Xalq ta’limi bo‘limi rahbar-xodimlari o‘rganish ishlari olib bordi. O‘rganish davomida haqiqatan ham ushbu maktabda yollanma ishchi xodimlar yengil ta’mirlash ishlari olib borilgan.
O‘quvchilar, ya’ni 6 nafar 7-9 sinf o‘g‘il bolalari maktabda olib borilayotgan ta’mirlash ishlariga yordam berish uchun ota-onalarining roziligi bilan kelganligi ma’lum bo‘ldi. O‘quvchilarning ota-onalari ham farzandini o‘z roziligi bilan maktabdagi ta’mirlash ishlariga yordam berish uchun yuborganini tasdiqlashdi.
5 nafar qiz o‘quvchilar esa maktabning 11-a va 11-v sinf o‘quvchilari bo‘lib, ular bilan suhbatlashilganda, qizlar yakuniy davlat imtihonlarining baholarini bilish maqsadida kelganligi aniqlandi.
Bugungi kunda ushbu holat yuzasidan o‘rganish ishlari davom etmoqda.
.png "YouTube UZREPORT TV")
